ބޭންކް އޮފް މޯލްޑިވްސް (ބީއެމްއެލް) ގައި 42 އަހަރު ވަންދެން ހިދުމަތް ކުރައްވާފައިވާ އާއިޝަތު ނޫރައްދީން (އައިސްތު ނޫރައްދީން) އެ ކުންފުނީގެ ބޯޑުން އިއްޔެ ވަކިކޮށްފި އެވެ.
އާއިޝަތު ނޫރައްދީން އަކީ ބީއެމްއެލްގެ ބޯޑު ޑިރެކްޓަރުގެ މަގާމުގެ އިތުރުން މިހާރު އެ ބޭންކުގެ ޑެޕިއުޓީ ސީއީއޯ ކަމުގެ މަގާމުވެސް ފުރުއްވަމުން ގެންދަވާ ފަރާތެވެ.
ބީއެމްއެލްގެ ބޯޑުގެ ޑިރެކްޓަރުގެ މަގާމުން އައިސްތު ވަކިކުރި ކަން އަންގައި ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ސިޓީ ފޮނުވީ އިއްޔެގަ އެވެ.
އައިސްތު އަކީ އެ ބޭންކުގައި މިހާރު ދެ ވަނަ އަށް އެންމެ ގިނަ ދުވަސްވީ ބޭފުޅާގެ އިތުރުން ބޭންކް މިދިޔަ 42 އަހަރު ހިންގުމުގައި އިސް ދައުރުތަކެއް އަދާކުރައްވާފައިވާ ފަރާތެކެވެ.
ބީއެމްއެލްގެ ބައެއް ޑިރެކްޓަރުން މިދިޔަ ޖެނުއަރީ މަހު ވެސް ޕީސީބީގެ ސިޓީއަކުން ވަކިކުރި އެވެ. އެއީ ގާނޫނީ ގޮތުން ޕީސީބީ އަށް ކުރެވޭނެ ކަމަކަށް ނުވާތީ އަލުން އެ ބޭފުޅުން އައްޔަންކުރި އެވެ. ފަހުން އެ ބޭފުޅުން ބޯޑުން ވަކިކުރީ ބީއެމްއެލްގެ އެކްސްޓްރާ އޯޑިނަރީ ބައްދަލުވުމަކުންނެވެ.
މި ލިޔުން ކިޔާލުމުން
