ލުބުނާނުގެ ހިޒްބުاللهއިން އެ ޖަމާއަތުގެ އާ ވެރިޔާގެ މަގާމަށް ނާއިމް ޤާސިމް ހަމަޖައްސައިފިއެވެ.
ނާއިމް ޤާސިމް ހިޒްބުﷲ ގެ ވެރިޔާގެ މަގާމަށް އައްޔަން ކުރުމުގެ ކުރިން ހުންނެވީ އެ ޖަމާއަތުގެ ޑެޕިއުޓީ ލީޑަރުގެ މަގާމުގައެވެ.
އޭނާ މި މަގާމަށް އައްޔަން ކޮށްފައި މި ވަނީ ހިޒްބުﷲ ޖަމާއަތުގެ ކުޜިގެ ލީޑަރު ހަސަން ނަސްރުﷲ އިޒްރޭލުން ދިން ހަމަލާއެއްގައި އަވަހާރަ ވުމުގެ ސަބަބުންނެވެ.
ނަސްރުالله އަވަހާރަވީ މިދިޔަ ސެޕްޓެމްބަރު މަހުގެ ފަހުކޮޅު އިޒްރޭލުން ލުބުނާނަށް ދިން ހަމަލާއެއްގައި އެވެ. ސެޕްޓެމްބަރު މަހު އިޒްރޭލުން ލުބުނާނަށް ހަމަލާ ދޭން ފެށި ފަހުން ހިޒްބުاللهގެ އެހެން ބައެއް އިސް އޮފިޝަލުން ވެސް ވަނީ އަވަހާރަވެފައެވެ.
ހިޒްބުالله އިން ނެރުނު ބަޔާނެއްގައި ބުނީ ޤާސިމް އެ މަގާމާ ހަވާލުވެވަޑައިގަތުމަށް އިންތިޚާބުވެވަޑައިގަތީ ހިޒްބުاللهގެ އުޞޫލުތަކާއި ލަނޑުދަނޑިތަކަށް ބޯލެނބުމުގެ ސަބަބުން ކަމަށެވެ.
ޖަމާއަތުގެ ލީޑަރުގެ މަގާމަށް ޤާސިމް އައްޔަން ކުރިކަން އިއުލާނުކުރުމާ އެކު އިޒްރޭލުގެ ޑިފެންސް މިނިސްޓަރު ޔޯވް ގަލަންޓް އެކްސްގައި ލިޔެފައިވަނީ "ވަގުތީ މަގާމެއް، މާ ގިނަ ދުވަހެއް ނުވާނެ" ކަމަށް ބުނެ ގާސިމް ވެސް އަވަހާރަކޮށްލާނެ ކަމުގެ އިންޒާރު ދީފަ އެވެ.
މި ލިޔުން ކިޔާލުމުން
