އިސްރާއީލު ސިފައިން ވަނީ ޣައްޒާގެ އުތުރުގެ ބެއިޓް ލަހިޔާގެ ހަ އިމާރާތަކަށް ބޮން ގޮއްވާލައިފައެވެ. މިހާދިސާގައި މަދުވެގެން މަދުވެގެން 22 މީހުން މަރުވެފައިވާ ކަމަށް ފަލަސްތީނުގެ މެޑިކަލް އޮފިޝަލުން ބުނެފައިވެއެވެ. އަދި މަރުވިމީހުންގެ ތެރޭގައި 11 އަހެނުންނާއި 2 ކުޑަކުދިންވެސް ހިމެނޭކަމަށް ބެނެފައިވެއެވެ.
ޣައްޒާގެ އުތުރުގައި ހަމާސް ހަރަކާތްތެރިވާކަމަށް ބުނެ އިސްތާއީލްގެ އަސްކަރިއްޔާއިން ވައިގެ މަގުންނާއި ބިމުން ވަރުގަދަ ހަމަލާތަކެއް ހިންގަމުން އަންނަތާ ވަނީ ހަފްތާތަކެއް ވެފަ އެވެ.
އަދި ބައެއް ރައްޔިތުން ގެއިން ނުކުތުމަށް އިންޒާރު ދިނުމަށްފަހު އިސްރާއީލުގެ ސިފައިން ވަނީ ބެއިރޫތުގެ ދެކުނަށް ވައިގެ ހަމަލާތައް ވެސް ދީފައެވެ.
އަދި މީގެ އިތިރުން އިސްރާއީލުގެ އުތުރުގައި ޑްރޯން ހަމަލާއެއްގައި ދެ މީހަކަށް އަނިޔާވެފައިވާ ކަމަށް އިސްރާއީލްގެ ކަމާބެހޭ ފަރާތްތަކުން ބުނެފައިވެއެވެ. ލުބުނާނުން ފޮނުވާލި ގޮވާ ޑްރޯން ޖެހުނީ އެ ސަރަހައްދުގެ ސިނާއީ ސަރަހައްދަކަށް ކަމަށް އިސްރާއީލްގެ އަސްކަރިއްޔާއިން ބުނެފައިވެއެވެ.
ޣައްޒާގައި 2023 ވަނަ އަހަރުގެ އޮކްޓޯބަރު މަހުގެ ހަތް ވަނަ ދުވަހުން ފެށިގެން އިސްރާއީލުން ދިން ހަމަލާތަކުގައި މަދުވެގެން 42،847 މީހުން މަރުވެ 100،544 މީހުން ޒަޚަމްވެފައިވާއިރު، ހަމާސް އިސްވެ އޮވެ ދިން ހަމަލާތަކުގައި އިސްރާއީލުގައި ގާތްގަނޑަކަށް 1،139 މީހުން މަރުވެ 200 އަށް ވުރެ ގިނަ މީހުން ހައްޔަުކޮއްފައިވާ ކަމަށް ލަފާކުރެވެ އެވެ.
މި ލިޔުން ކިޔާލުމުން
