އިޒްރޭލުން ޣައްޒާގެ އަލްއަގްސާ ހޮސްޕިޓަލް ކައިރީ ހުރި ޓެންޓުތަކަކަށް ވައިގެ މަގުން ހަމަލާތަކެއްދީފިއެވެ.
އިޒްރޭލުން ހަމަލާ ދީފައިވާ ޓެންޓުތަކަކީ ހަނގުރާމައިގެ ސަބަބުން ގެދޮރު ގެއްލިފައި ތިބި މީހުންނާއި، އަލްއަގްސާ ހޮސްޕިޓަލުން ފަރުވާ ހޯދަމުންދާ ގިނަ އަދަދެއްގެ ފަލަސްތީނުގެ ރައްޔިތުންތަކެއް ބޯހިޔާވަހިކަން ހޯދެމަށްޓަކައި ބޭނުންކުރަމުން އަންނަ ޓެންޓުތަކެކެވެ.
އިޒްރޭލުން ދިން މި ހަމަލާގެ ސަބަބުން ބައެއް ޓެންޓުތަކުގައި އަލިފާން ރޯވެ، ގިނަ އަދަދެއްގެ އާންމު ރައްޔިތުން ވަނީ ޝަހީދުވެފައެވެ.
މިހާތަނަށް މައުލޫމާތު ލިބިފައިވާ ގޮތުގައި މި ހާދިސާގައި 4 މީހުން މަރުވެ 70 އަށް ވުރެ ގިނަ މީހުން ވަނީ ޒަޚަމްވެފައެވެ.
އެ ސަރަހައްދުގައި މިވަގުތު ރެސްކިޔު ޓީމުތަކުން ހަރަކާތްތެރި ވަމުންދާއިރު، މި ހާދިސާގައި ޒަޚަމްވި މީހުންގެ އަދަދު އިތުރުވާނެ ކަމަށް ލަފާކުރެވެއެވެ.
އިއްޔެގެ ވަގުތެއްގައި އިޒްރޭލުގެ އަސްކަރިއްޔާއިން ޣައްޒާގެ މެދުތެރޭގައި ހުންނަ ކޭމްޕެއް ކަމަށްވާ ނުސެއިރާތް ކޭމްޕަށް ވެސް ޓޭންކް ބޭނުން ކޮށްގެން ހަމަލާތަކެއް ދީފައެވެ. މި ހަމަލާގައި 22 މީހުން ޝަހީދުވެ 80 އަށްވުރެ ގިނަ މީހުން ވަނީ ޒަޚަމް ވެފައެވެ.
2023 ވަނަ އަހަރުގެ އޮކްޓޯބަރު މަހު އިޒްރޭލުން ޣައްޒާއާ ދެކޮޅަށް ފެށި ނަސްލު ނައްތާލުމުގެ ހަނގުރާމައިގައި މިއަދާ ހަމައަށް ފަލަސްތީނުގެ 42،227 ރައްޔިތުން ޝަހީދުވެ، 9800 އަށްވުރެ ގިނަ މީހުން ވަނީ ޒަޚަމް ވެފައެވެ.
މި ލިޔުން ކިޔާލުމުން
