ފާއިތުވި 24 ގަޑިއިރުގެ ތެރޭގައި އިޒްރޭލުން ޣައްޒާގެ އުތުރުގެ ސަރަހައްދަކަށް ދިން ހަމަލާއެއްގައި އެތައް ބަޔަކު މަރުވެ އެތައް ހާސް ބަޔަކު ތާށިވެފައިވާއިރު، އެ ގައުމުން ލުބުނާނަށް މިހާރު ދެމުން ގެންދާ ހަމަލާތަކުގެ ސަބަބުން ގިނަ އަދަދެއްގެ މީހުން ވަނީ ގެ ދޫކޮށް އެހެން ހިސާބުތަކަށް ހިޖުރަކޮށްފައެވެ.
އިސްރާއީލުގެ އަސްކަރިއްޔާއިން ބުނީ ފާއިތުވި 24 ގަޑިއިރުތެރޭ އެ ގައުމުގެ ފައިޓާ ޖެޓްތަކުން ލުބުނާނުގެ ހިޒްބުالله އާއި ޣައްޒާގެ ހަމާސް ޖަމާއަތުގެ 230 އަމާޒަކަށް ހަމަލާ ދީފައިވާކަމަށެވެ.
އިސްރާއީލުގެ ވައިގެ އަސްކަރިއްޔާއިން އެކްސްގައި ކުރި ޕޯސްޓެއްގައި ބުނެފައިވަނީ ހިޒްބުالله އާއި ހަމާސް ޖަމާއަތުގެ 45 އަމާޒަކަށް ހަމަލާ ދީފައިވާއިރު، އޭގެ ތެރޭގައި އަސްކަރީ އިމާރާތްތަކާއި އޮބްޒަވޭޝަން ޕޯސްޓުތަކާއި ރޮކެޓް ލޯންޗަރުތަކާއި އޮޕަރޭޓަރުން ހިމެނޭ ކަމަށެވެ. އަދި އަންގާރަ ދުވަހާއި ބުދަ ދުވަހު ލުބްނާނުގެ ދެކުނުގައި ހިނގި ކުރިމަތިލުންތަކުގައި އެގައުމުގެ ތިން ސިފައިން ވަރަށް ބޮޑަށް ޒަޚަމުވެފައިވާކަމަށް މި ޕޯސްޓުގައި ބުނެފައި ވެއެވެ.
އިޒްރޭލުން ޣައްޒާގައި ހިންގަމުންދާ އިންސާނިއްޔަތާ ޚިލާފު ޖަރީމާތަކަށް މި އޮކްޓޯބަރު މަހު އެއް އަހަރު ފުރޭއިރު، ހަމަނުޖެހުންތަކުގައި ޢައްޒާގެ 42،000 ވުރެ ގިނަ މީހުން ވަނީ ޝަހީދުވެފައެވެ.
މި ލިޔުން ކިޔާލުމުން
