ހުޅުމާލޭ ދެވަނަ ފިޔަވަހީގައި ހުންނަ 'އަމާން އުދަރެސް' 5 ވަނަ ޓަވަރުގެ ގްރައުންޑް ފްލޯގައި ހުރި ގުދަނެއްގައި ރޯވި އަލިފާން، އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ހުޅުމާލެ ފަޔަރ ސްޓޭޝަނުން ނިއްވާލައިފިއެވެ.
އެމްއެންޑީއެފުން މައުލޫމާތު ދެއްވި ގޮތުގައި، މި ހާދިސާގެ ރިޕޯޓު ހުޅުމާލޭ ފަޔަރ ސްޓޭޝަނަށް ލިބިފައިވަނީ މިރޭ 18:43 ހާއިރުއެވެ. ރިޕޯޓު ލިބުމާއެކު ފަޔަރ ފައިޓަރުން އެ ސަރަހައްދަށް ގޮސް ކުރި މަސައްކަތުން، އިރުކޮޅެއްގެ ތެރޭގައި އެއީ 18:50 ހާއިރު ވަނީ އަލިފާން ފުރިހަމައަށް ނިއްވާލެވިފައެވެ.
މި އަލިފާނުގެ ހާދިސާގައި އެއްވެސް މީހަކަށް އަނިޔާއެއް ނުވާކަމަށް އެމްއެންޑީއެފުން މައުލޫމާތު ދެއެވެ.
