ހުޅުމާލޭގެ އަމާން އުދަރެސް ޓަވަރެއްގައި އަލިފާނުގެ ހާދިސާއެއް ހިނގައިފިއެވެ.
މައުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ އަމާން އުދަރެސް 15 ވަނަ ޓަވަރުގެ ތިރީ ފަންގިފިލާގައެވެ.
ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި އަލިފާން ރޯވުމާ ގުޅިގެން އެ ސަރަހައްދަށް ގިނަ އަދަދެއްގެ މީހުން ވަނީ އެއްވެފައެވެ. އަދި އެ ސަރަހައްދުގައި ތިބި ބައެއް އާންމުން އިސްނަގައިގެން އަލިފާން ނިއްވާލުމަށް މަސައްކަތްކުރާ މަންޒަރުވެސް ވީޑިއޯތަކުން ފެނެއެވެ.
މި ހާދިސާއާ ގުޅޭގޮތުން އެމްއެންޑީއެފް ނުވަތަ ފުލުހުންގެ ފަރާތުން އަދި ވަކި އެއްޗެއް ހާމަކޮށްފައެއް ނުވެއެވެ.
