ސްލޮވާކިއާގެ ބޮޑުވަޒީރު ރޮބަޓް ފިކޯ އޭނާ ވެރިކަމުގައި ވެރިކަމުގައި ހުންނެވިހާ ހިނދަކު ޔޫކްރެއިންއަށް ނޭޓޯގެ މެމްބަރަކަށް ވުމުގެ ފުރުޞަތު ނުދެއްވާނެކަމަށް ވައުދުވެވަޑއިގެންފިއެވެ.
"ސްލޮވާކިއާ ރިޕަބްލިކްގެ ބޮޑުވަޒީރަކަށް އަޅުގަނޑު ހުންނެވިހާ ހިނދަކު، އަޅުގަނޑުގެ ކޮންޓްރޯލް އޮންނަ ގާނޫނު ހަދާ މަޖިލީހުގެ މެމްބަރުންނަށް ނޭޓޯގައި ޔޫކްރެއިންގެ މެމްބަރުކަމަށް އެއްބަސްނުވުމަށް އަޅުގަނޑު ބާރުއަޅާނަން" ފިކޯ ވިދާޅުވި އެވެ. އަދި ޔޫކްރެއިން ނޭޓޯއަށް ވަނުމަކީ ތިންވަނަ ބޮޑު ހަނގުރާމައަކަށް މަގުފަހިވެގެންދާނެ ކަމެއް ކަމަށް އެ މަނިކުފާނު ވިދާޅުވިއެވެ.
ހުޅަނގުން ޔޫކްރެއިންއަށް ދޭ މާލީ އަދި އަސްކަރ އެހީއަށް ޒަމާނުއްސުރެ ފާޑު ވިދާޅުވަމުން ގެންދަވާ ފިކޯ ވިދާޅުވީ ޑިޕްލޮމެޓިކް ވަސީލަތްތައް މެދުވެރިކޮށް މައްސަލަ ހައްލުކުރަން ޖެހޭ ކަމަށެވެ. އަދި އޭނާ ވަނީ މައްސަލަ ހައްލު ނުކުރެވިއްޖެ ނަމަ އިތުރަށް ހަމަނުޖެހުން އުފެދިދާނެ ކަމުގެ އިންޒާރު ތަކުރާރުކޮށް ދެއްވާފަ އެވެ.
ރަޝިޔާއާ ދެމެދު އުފެދިފައިވާ ހަމަނުޖެހުންތަކާ ގުޅިގެން ނޭޓޯއާ ގުޅެން ޔޫކްރެއިން ރަސްމީކޮށް ކުރިމަތިލީ 2022 ވަނަ އަހަރުގެ ސެޕްޓެމްބަރު މަހުގެ ތެރޭގަ އެވެ. ހުޅަނގުގެ ގިނަ ގައުމުތަކުން ޔޫކްރެއިންގެ އޮޕަރޭޝަންތަކަށް ފާޅުގައި ތާއިދު ކޮށް މާލީ އަދި އަސްކަރީ އެހީ ފޯރުކޮށްދިން ނަމަވެސް ޔޫކްރެއިން ނޭޓޯގެ މެމްބަރަކަށް ވުމަށް ގިނަ ގައުމުތަކުން ވަނީ ދެކޮޅު ހަދާފަ އެވެ.
ރަޝިޔާ ހިމެނޭ ސަރަހައްދަށް ނޭޓޯ ފުޅާކުރުމަކީ ސަލާމަތީ ނުރައްކަލެއްގެ ގޮތުގައި ރަޝިޔާއިން ދެކޭއިރު، ޔޫކްރެއިންއިން ނޭޓޯއަށް އެއްބާރުލުން ދިނުމަކީ ހަމަނުޖެހުންތަކުގެ މައިގަނޑު އެއް ސަބަބު ކަމަށް ރަޝިޔާއިން ވަނީ ބުނެފައެވެ.
މި ލިޔުން ކިޔާލުމުން
