Friday, November 20
24.5 މިލިއަން ކޮޕީ ވިއްކައި، ޖީޓީއޭ 6 އިން ރެކޯޑުތައް މުގުރާލައިފި

13 އަހަރުގެ އިންތިޒާރަކަށްފަހު އިއްޔެ ނެރުނު ވީޑިއޯ ގޭމް "ގްރޭންޑް ތެފްޓް އޮޓޯ 6" (ޖީޓީއޭ 6) އިން، ޕްރީ-އޯޑަރުތަކާއި ފުރަތަމަ ދުވަހުގެ ވިޔަފާރިން 24.5 މިލިއަނަށްވުރެ ގިނަ ކޮޕީ ވިއްކައި، މުނިފޫހިފިލުވުމުގެ ދާއިރާގެ ތާރީޚުގައި މިހާތަނަށް އެންމެ ކާމިޔާބު އުފެއްދުމުގެ ރެކޯޑު ޤާއިމުކޮށްފިއެވެ.

ތަފާސްހިސާބު ދިރާސާކުރާ ފަރާތްތަކުން ލަފާކޮށްފައިވާ ގޮތުގައި، ގޭމު ނެރުނު ފުރަތަމަ ދުވަހުގެ މި ވިޔަފާރިން ވަނީ ގާތްގަނޑަކަށް 2.36 ބިލިއަން ޑޮލަރުގެ އާމްދަނީއެއް ލިބިފައެވެ.

މި ގޭމުގެ ފައިލުގެ ބޮޑުމިނަކީ 212 ޖީބީ ކަމަށްވާއިރު، އެ ފައިލު ޑައުންލޯޑުކުރުމަށް ގިނަ ބަޔަކު އެއްފަހަރާ މަސައްކަތްކުރުމުގެ ސަބަބުން، އިންޓަނެޓް ކުންފުނިތަކުގެ ޓްރެފިކް ވެސް ވަނީ ރެކޯޑު މިންވަރަކަށް އަރާފައެވެ.

ރޮކްސްޓާ ގޭމްސްއިން އުފެއްދި ޖީޓީއޭ 6 މިހާރު ނެރެފައިވަނީ ކޮންސޯލްތަކަށް އެކަނިއެވެ. ގޭމުގެ ކޮމްޕިއުޓަރު ވާޝަނާއި މަލްޓިޕްލޭޔާ ބައި ނެރޭނެ ތާރީޚެއް ރޮކްސްޓާއިން އަދި އިޢުލާނުކޮށްފައެއް ނުވެއެވެ.

މި ލިޔުން ކިޔާލުމުން

Like
Love
Ah Ah
Wow
Sad
ކިޔުންތެރިންގެ ހިޔާލު