ސްޕެނިޝް ލީގުގައި ރޭ ބާސެލޯނާ ކުޅުނު މެޗުން 5-1 އިން ސެވިއްޔާ ބަލިކޮށްފިއެވެ.
އަމިއްލަ ދަނޑުގައި ކުޅުނު ބާސެލޯނާ އިން ރޭގެ މެޗުގައި ލީޑުނެގީ 24 ވަނަ މިނިޓްގައި ރޮބަޓް ލެވަންޑޯސްކީ ޖެހި ޕެނަލްޓީންނެވެ. އަދި އޭގެ ހަތަރު މިނެޓް ފަހުން، ޕެޑްރީ ވަނީ ހިތްގައިމު ގޯލެއް ޖަހައި، ބާސެލޯނާގެ ލީޑުފުޅާކޮށްދީފައެވެ. ފުރަތަމަ ހާފު ނިމުމުގެ ކުރިން، ލެވަންޑޯސްކީ ވަނީ އިތުރު ގޯލެއް ޖަހައި، ބާސެލޯނާ އަށް ފުރަތަމަ ހާފުގައި ތިން ގޯލުގެ ލީޑެއް ނަގައިދީފައެެވެ.
ހަންސީ ފްލިކް ހަވާލުވި ފަހުން ލެވަންޑޯސްކީ މި ވަނީ 12 މެޗުން 14 ގޯލު ޖަހައިފައެވެ. ލީގުގެ އެންމެ ގިނަ ލަނޑު މިހާރާ ހަމައަށް ޖަހައިދީފައިވަނީ ވެސް ލެވަންޑޯސްކީއެވެ.
މެޗުގެ 82 ވަނަ މިނިޓްގައި ޕަބްލޯ ޓޯރޭ ބާސެލޯނާގެ ހަތަރު ވަނަ ގޯލު ޖަހާފައިވަނިކޮށް، ސެވިއްޔާގެ އިޑުމްބޯ ގޯލެއް ޖެހި އެވެ. އެކަމަކު، ޓޯރޭ ވަނީ އިތުރު ގޯލެއް ޖަހައި، ބާސެލޯނާގެ މޮޅު ފުރިހަމަކޮށްދީފައެވެ.
ރޭގެ ނަތީޖާއާ އެކު އެއް ވަނައިގައި އޮތް ބާސެލޯނާ އަށް 10 މެޗުން 27 ޕޮއިންޓް ލިބިފައިވާއިރު، ދެ ވަނައިގައި އޮތް އެންމެ ފަހުގެ ޗެމްޕިއަން، ރެއާލް މެޑްރިޑަށް ވަނީ 10 މެޗުން 24 ޕޮއިންޓް ލިބިފައެވެ.
މި ލިޔުން ކިޔާލުމުން
