Monday, November 16
ފަހަތުން އަރައި 4-1 އިން އިޓަލީ ބަލިކޮށް، ބެލްޖިއަމް ކުއާޓާ ފައިނަލަށް

ޔުއެފާ ނޭޝަންސް ލީގުގެ ގްރޫޕް ސްޓޭޖުގެ ފަހު މެޗުގައި އިޓަލީ އަތުން ފަހަތުން އަރައި 4-1 އިން މޮޅުވެ، ގްރޫޕުގެ ދެވަނަ ޓީމުގެ ގޮތުގައި ބެލްޖިއަމް ވަނީ ކުއާޓާ ފައިނަލުން ޖާގަ ހޯދާފައެވެ.

ބްރަސަލްސްގައި ކުޅުނު މި މެޗުގައި ފުރަތަމަ ލަނޑު ޖަހައި ކުރިހޯދީ އިޓަލީގެ ފްރެންޗެސްކޯ ޕިއޯ އެސްޕޮސިޓޯއެވެ. ނަމަވެސް، ބެލްޖިއަމްގެ މެކްސިމް ޑި ކުއިޕާ ވަނީ ލަނޑެއް ޖަހައި މެޗުގެ ނަތީޖާ ހަމަހަމަކޮށްދީފައެވެ.

އޭގެ ފަހުން ނޭތަން އެންގޯއީ ޖެހި ލަނޑުން ބެލްޖިއަމުން ލީޑު ނެގިއިރު، ޖެރެމީ ޑޮކޫ ވަނީ އިޓަލީގެ ޑިފެންޑަރުން ކައިރިން ނައްޓާލުމަށްފަހު ހުނަރުވެރިކަމާއެކު ޓީމުގެ ތިންވަނަ ލަނޑު ކާމިޔާބުކޮށްދީފައެވެ. ދެވަނަ ހާފުގައި ޗާލްސް ޑި ކެޓެލެއާ ބޮލުން ފޮނުވާލި ބޯޅައެއް ގޯލުގެ ހުރަސްދަނޑިއަށް އަމާޒުވި ނަމަވެސް، މެޗުގެ ފަހުކޮޅު ކައުންޓާ އެޓޭކެއްގައި ޑިއޭގޯ މޮރެއިރާ ވަނީ ބެލްޖިއަމްގެ ހަތަރުވަނަ ލަނޑު ޖަހައި ލީޑު ފުޅާކޮށްފައެވެ.

މެޗުގެ އިތުރު ވަގުތުގައި އިޓަލީއަށް ލިބުނު ޕެނަލްޓީ، ޕިއޯ އެސްޕޮސިޓޯ ފޮނުވާލުމުން ބެލްޖިއަމްގެ ކީޕަރު ސެނޭ ލަމެންސް ވަނީ ދިފާއުކޮށްފައެވެ.

މި ލިޔުން ކިޔާލުމުން

Like
Love
Ah Ah
Wow
Sad
ކިޔުންތެރިންގެ ހިޔާލު