ފަހު ވަގުތު ލަނޑު ޖަހާ އިންޓަ މިލާން ބަލިކޮށް، އޭސީ މިލާނުން އިޓާލިއަން ސުޕަ ކަޕްގެ ޗެމްޕިއަންކަން ހޯދައިފި އެވެ.
މި މެޗު 3-2 ގެ ނަތީޖާއަކުން އޭސީ މިލާން ކާމިޔާބުކުރި އެ ޓީމަށް މި ތަށި ކާމިޔާބު އެ ކުރެވުނީ އަށް އަހަރު ފަހުންނެވެ.
މިލާނުން އެންމެ ފަހުން ސުޕަ ކަޕް ކާމިޔާބުކުރީ 2016 ވަނަ އަަހަރު އެވެ.
ކިންގް ސައުދު ޔުނިވާސިޓީ ސްޓޭޑިއަމްގައި ކުޅުނު މެޗުގައި، ފުރަތަމަ ހާފުގެ އިތުރު ވަގުތުގައި އިންޓަ އަށް ލީޑުނަގައިދީ ލަނޑުޖަހައިދިނީ ލައުޓާރޯ މާޓިނޭޒް އެވެ. އަދި ދެ ވަނަ ހާފުގެ ދެ ވަނަ މިނިޓްގައި އިރާނުގެ ފޯވާޑް މަހުދީ ތަރޭމީ ވަނީ އިންޓަގެ ލީޑުފުޅާކޮށްދީފަ އެވެ.
މިލާނުގެ ފުރަތަމަ ލަނޑު 52 ވަަނަ މިނިޓްގައި ޖެހީ ތެއޯ ހެނާންޑޭޒް އެވެ. އަދި މެޗުގެ 80 ވަނަ މިނިޓްގައި ކްރިސްޓިއަން ޕުލިސިޗް ވަނީ މިލާނުން އެއްވަރުކުރި ލަނޑު ޖަހައިދީފަ އެވެ.
މެޗުގެ އިތުރު ވަގުތުގެ ތިން ވަނަ މިނިޓްގައި،އަބްރަހަމް ވަނީ މިލާނަށް ސުޕަ ކަޕް ކާމިޔާބުކޮށްދިން ލަނޑު ޖަހައިފަ އެވެ.
މިއީ މި މުބާރާތް ހަަތަރު ޓީމުގެ ފޯމެޓަށް ކުޅެން ފެށި ފަހުން މިލާނުން މި ތަށި ހޯދި ފުރަތަމަ ފަހަރެވެ.
މި ލިޔުން ކިޔާލުމުން
