ހުޅުމާލޭ ސެންޓްރަލް ޕާކުގައި މިރޭ ހަވާ އެރުވުމުގެ ހަރަކާތެއް ކުރިއަށްދާނެ ކަމަށް އެމްއެންޑީއެފުން ވިދާޅުވެއްޖެއެވެ.
އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައި ވަނީ ހަވާ އެރުވުމަށް ހަމަޖެހިފައިވަނީ މިރޭ 21:15 ހާއިރު ހުޅުމާލޭ ސެންޓްރަލް ޕާކުގައި މޯލްޑިވްސް އިސްލާމިކް ބޭންކުން ބާއްވާ އިވެންޓެއްގައި ކަމަށެވެ.
މިއިވެންޓަކީ އެމްއައިބީގެ އާ ޕްރޮޑަކްޓްތައް ލޯންޗުކުރުމަށް ބާއްވާ އިވެންޓެކެވެ.
ސިފްކޯއިން ވިޔަފާރި އުސޫލުން ކުރިއަށްގެންދާ މި ހަރަކާތް ކުރިއަށްދާނީ ކިތަށް މިނެޓަށް ކަމެއް އެމްއެންޑީއެފުން ހާމަކޮށްފައެއް ނުވެއެވެ.
