ބަނގުރާ ބޭނުންކޮށް، ގެންގުޅުނު ކަމުގެ ތުހުމަތުގައި އެމްއެންޑީއެފްގެ ޕްރައިވެޓް ރޭންކުގެ މީހަކު ހައްޔަރުކޮށްފިއެވެ.
ކްރިމިނަލް ކޯޓުގެ އަމުރުން އެނގޭ ގޮތުގައި، މި މައްސަލައިގައި ހައްޔަރުކޮށްފައިވަނީ ކ. ތުލުސްދޫއަށް ނިސްބަތްވާ 19 އަހަރުގެ ފިރިހެނެކެވެ. އޭނާއަކީ އެމްއެންޑީއެފްގެ ޕްރައިވެޓެއްގެ ގޮތުގައި މަސައްކަތްކުރާ މީހެކެވެ.
ކްރިމިނަލް ކޯޓުން އޭނާގެ ބަންދަށް ފަސް ދުވަސް ޖަހާފައިވަނީ، މައްސަލަ ކުރިއަށް ގެންދަން ބޭނުންވަނީ ވަކީލަކާއެކު ކަމަށް އޭނާ ކޯޓުގައި ބުނުމުންނެވެ.
