ޖުމްހޫރީ ދުވަހާ ގުޅިގެން ކުރިއަށް އޮތް ބަންދު ދުވަސްތަކުގައި ރާއްޖޭގެ އެކި ހިސާބުތަކަށް މޫސުން ގޯސްވާނެތީ، ކަނޑުދަތުރާއި އެއްގަމު ދަތުރުފަތުރުގައި ޚާއްޞަ ސަމާލުކަމެއް ދިނުމަށް ފުލުހުން އިލްތިމާސްކޮށްފިއެވެ.
ހުޅަނގު މޫސުމުގެ ބާރުގަދަވުމާއެކު، ކުރިއަށް އޮތް 24 ގަޑިއިރު ރާއްޖޭގެ ބޮޑު ބަޔަކަށް ވިއްސާރަކޮށް، ގުގުރައި ކަނޑުގަދަވުމާއެކު ބައެއް ވަގުތުތަކުގައި ބޯކޮށް ވާރޭވެހޭނެ ކަމަށް މޫސުމާ ބެހޭ ޤައުމީ އިދާރާއިން ވަނީ ލަފާކޮށްފައެވެ.
ފުލުހުން ނެރުނު ބަޔާނުގައި، ކަނޑުދަތުރުކުރާ ފަރާތްތަކުން މޫސުމާ ބެހޭ އެންމެ ފަހުގެ މަޢުލޫމާތު ބެލުމަށްފަހު ނޫނީ ކަނޑުމައްޗަށް ނޭރުމަށާއި، އުޅަނދުގައި ލައިފްޖެކެޓް ހުރިތޯ ކަށަވަރުކުރުމަށް އެދިފައިވެއެވެ. އަދި މޫސުން ގޯސްނަމަ ކަނޑުމައްޗަށް ނޭރުމަށްވެސް ފުލުހުން ވަނީ އިލްތިމާސްކޮށްފައެވެ.
ވާރޭވެހޭ ވަގުތުތަކުގައި ދުވެލި މަޑުކޮށް، ދެ އުޅަނދު ދޭތެރޭ އެކަށީގެންވާ ދުރުމިނެއް ބަހައްޓައި، ފެންބޮޑުވެފައިވާ މަގުތަކުގައި ޚާއްޞަ ސަމާލުކަމެއް ދީގެން އުޅަނދު ދުއްވުމަށްވެސް ފުލުހުން އިރުޝާދުދީފައިވެއެވެ.
މީގެ އިތުރުން، ފެންބޮޑުވާ ސަރަހައްދުތަކުގައި ދިރިއުޅޭ ފަރާތްތަކުން ކަރަންޓު ސާމާނުތަކާއި ވަޔަރުތަކުން ރައްކާތެރިވުމަށާއި، ވައިގަދަވާ ވަގުތުތަކުގައި ވަޔާ ހިނގައިދާނެ ތަކެތި ރަނގަޅަށް ހަރުކުރުމަށްވެސް ފުލުހުން ނަސޭހަތްތެރިވެފައިވެއެވެ.
