ޝަންޑޮންގް ޕްރޮވިންސްގެ ހައިޔަންގްގެ އައްސޭރިފަށުން ޗައިނާއިން ސްމާޓް ޑްރެގަން 3 ކެރިއާ ރޮކެޓެއްގައި 8 ސެޓެލައިޓު ޖައްވަށް ފޮނުވާލައިފިއެވެ.
އަންގާރަ ދުވަހުގެ ހެނދުނު 10:31 ހާއިރު ލޯންޗް ސާވިސްގެ ކަނޑުމަތީ އުޅަނދަކުން ރޮކެޓް ޖައްވަށް ފޮނުވާލައިފައިވާއިރު، މިއީ މި ރޮކެޓް މޮޑެލްގެ ހަތަރު ވަނަ ސީ ބޭސްޑް ލޯންޗް ކަމަށް ސްމާޓް ޑްރެގަން 3 ސީރީޒް އުފައްދާ ޗައިނާ އެކަޑަމީ އޮފް ލޯންޗް ވެހިކަލް ޓެކްނޮލޮޖީ އިން މައުލޫމާތުދެއެވެ.
ސްމާޓް ޑްރެގަން 3 އަކީ ސޮލިޑް ޕްރޮޕެލެންޓް ރޮކެޓް މޮޑެލް އެކެވެ. މި ބާވަތުގެ ރޮކެޓުގެ ދިގުމިނުގައި 31 މީޓަރު ހުންނައިރު 2.65 މީޓަރު ހުރެއެވެ. ރޮކެޓުގެ އިންޖީނުން ލިފްޓް އޮފް ބަރުދަނެއްގެ ގޮތުގައި 140 މެޓްރިކް ޓަން އުފުލުމުގެ ގާބިލުކަން ލިބިފައި ވެއެވެ.
މި ރޮކެޓަކީ 500 ކިލޯމީޓަރު ދިގު ރާސްތާތައަކަށް ޖުމްލަ 1.5 ޓަނުގެ ގިނަ ސެޓެލައިޓްތަކެއް ފޮނުވުމުގެ ގާބިލުކަން ލިބިފައިވާ ރޮކެޓެކެވެ.
ސްމާޓް ޑްރެގަން 3 ގެ ފުރަތަމަ ރޮކެޓު ޖައްވަށް ފޮނުވާލީ 2022 ވަނަ އަހަރުގެ ޑިސެމްބަރު މަހުގެ ތެރޭގައެވެ. މި ރޮކެޓުގައި 14 ސެޓެލައިޓެއް ދުނިޔޭގެ އޯބިޓަށް ފޮނުވިއިރު، އެ ކުންފުނިންވަނީ 2023 ވަނަ އަހަރުގެ ޑިސެމްބަރު މަހުގައި ދެވަނަ ރޮކެޓު ލޯންޗްކޮށްފައެވެ. މި ރޮކެޓަކީ ދެކުނު ޗައިނާ ކަނޑުން ކަނޑުގެ މަގުން ފޮނުވާލި ފުރަތަމަ ރޮކެޓެވެ. މި ކުންފުނީގެ ތިންވަނަ ރޮކެޓް ވެސް ވަނީ ނުވަ ސެޓެލައިޓާއެކު ޗައިނާގެ ޔަންގްޖިއާންގްގެ އައްސޭރިފަށުން ޖައްވަށް ފޮނުވާލާފައެވެ.
މި ލިޔުން ކިޔާލުމުން
