ދިރާގުގެ 38 ވަނަ އަހަރީ ދުވަހާ ހަމައަށް ވާސިލުވިއިރު، ރާއްޖޭގެ ޑިޖިޓަލް ޓްރާންސްފޯމޭޝަންގެ މޭސްތިރިއެއްގެ ގޮތުން އެ ކުންފުނިން ހޯދާފައިވާ ކާމިޔާބީތައް ފާހަގަކޮށް، ކަސްޓަމަރުންނަށް ޚާއްޞަ އޮފާތަކެއް ތައާރަފުކޮށްފިއެވެ. މި އޮފާތައް އިއުލާނުކޮށްފައިވަނީ ދިރާގު ހެޑް އޮފީހުގައި ބޭއްވި ނޫސްވެރިންގެ ބައްދަލުވުމެއްގައެވެ. މި ބައްދަލުވުމުގައި އެ ކުންފުނީގެ އައު ސީއީއޯ އަދި އެމްޑީ ވަލްޑީ ފެރަޑާޒް ބައިވެރިވެވަޑައިގެން، ރާއްޖޭގެ ތަރައްގީއަށާއި ޑިޖިޓަލް ބަދަލުތަކަށް މަގުފަހިކޮށްދިނުމުގައި ދިރާގުން އަދާކޮށްފައިވާ މުހިންމު ދައުރަށް އަލިއަޅުއްވާލެއްވިއެވެ.
އަދި ކުރިއަށް އޮތް ތަނުގައިވެސް އެންމެ ފަހުގެ ޓެކުނޮލޮޖީއާއި ފެންވަރު ރަނގަޅު ނެޓްވޯކްތައް މެދުވެރިކޮށް ދިވެހީންގެ ދިރިއުޅުން އިތުރަށް ފުރިހަމަކޮށްދިނުމުގައި ދެމިތިބޭނެ ކަމުގެ ޔަގީންކަން ވަލްޑީ ދެއްވިއެވެ. މި އަހަރީ ދުވަހާ ގުޅިގެން ދިރާގުން ތައާރަފުކޮށްފައިވާ އޮފާތަކުގެ ތެރޭގައި:
- 38 ޖީބީ ހިލޭ ޑޭޓާ: ޕްރީޕެއިޑް އަދި ޕޯސްޓްޕެއިޑް ކޮންމެ ކަސްޓަމަރަކަށްވެސް އޮކްޓޯބަރު 1، 2026 ވަނަ ދުވަހު 38 ޖީބީ މުޅިން ހިލޭ ލިބޭނެއެވެ. މި ޑޭޓާ ދިރާގު އެޕް މެދުވެރިކޮށް އެކްޓިވޭޓްކުރުމަށްފަހު 24 ގަޑިއިރުގެ ތެރޭގައި ބޭނުންކުރެވޭނެއެވެ.
- 38 އައިޑީޑީ މިނިޓް: ޕްރީޕެއިޑް ކަސްޓަމަރުންނަށް ބަންގްލަދޭޝް، އިންޑިއާ، ނޭޕާލް، ސްރީލަންކާ، ޕާކިސްތާން، ފިލިޕީންސް އަދި އިންޑޮނޭޝިއާއަށް ގުޅުމަށް 38 މިނެޓް މުޅިން ހިލޭ ލިބިގެންދާނެއެވެ.
- އައިވް (AI): އޭއައި މެދުވެރިކޮށް ފޯނު ކޯލުތަކަށް ޖަވާބުދީ، ކޯލުތައް މެނޭޖްކުރުމަށް ބޭނުންކުރެވޭ "އައިވް" ހިދުމަތް ތައާރަފުކޮށްފައިވާއިރު، މިއަށް ދިރާގު އެޕް މެދުވެރިކޮށް ސަބްސްކްރައިބް ކުރެވޭނެއެވެ.
- އޯއެންޓީ ހިލޭ އަޕްގްރޭޑް: ފައިބަރ ބްރޯޑްބޭންޑް ކަސްޓަމަރުންގެ ތެރެއިން ޝަރުތުހަމަވާ ފަރާތްތަކަށް މިހާރު ބޭނުންކުރާ ރައުޓަރ، ފަހުގެ ރައުޓަރަކަށް މުޅިން ހިލޭ އަޕްގްރޭޑް ކުރުމުގެ ފުރުސަތު ލިބިގެންދާނެއެވެ.
- 38 ދުވަހުގެ ޕާޓްނަރ ވައުޗަރު: އެލީޓް ކްލަބްގެ 12 ޕާޓްނަރ އައުޓްލެޓަކުން 38 ދުވަސް ވަންދެން ކޮންމެ ދުވަހަކުވެސް ހިލޭ ވައުޗަރު ލިބޭނެއެވެ. ކޮންމެ އައުޓްލެޓަކުން އެންމެ ފުރަތަމަ ޒިޔާރަތްކުރާ 38 ކަސްޓަމަރުންނަށް ކެފޭ، ރެސްޓޯރަންޓް، ރީޓެއިލް ފިހާރަތަކުން ވިޔަފާރިކުރުމާއި ޗުއްޓީ ހޭދަކުރުމުގެ ފުރުސަތު މި ވައުޗަރުގެ ދަށުން ލިބިގެންދާނެއެވެ.
މި އޮފާތަކާ ބެހޭ އިތުރު މައުލޫމާތު ދިރާގު ވެބްސައިޓުން ލިބެން ހުންނާނެއެވެ.
