ޅ. ނައިފަރު ފުލުހުންގެ ބެލުމުގެ ދަށުގައި ހުރި ބަނގުރާ ނައްތާލައިފިއެވެ.
ފުލުހުން މަޢުލޫމާތު ދިން ގޮތުގައި، މި ތަކެތި ނައްތާލާފައިވަނީ ސެޕްޓެމްބަރު މަހުގެ 28 ވަނަ ދުވަހުއެވެ. މިއީ 2025 ޑިސެމްބަރު 21 އިން ފެށިގެން 2026 ސެޕްޓެމްބަރު 28 ގެ ނިޔަލަށް ޅ. މަޑިވަރު އެއާޕޯޓުން ފުރަންދިޔަ ފަތުރުވެރިންގެ އަތުން ހިފަހައްޓައި، އެމްއެންޑީއެފްއިން ފުލުހުންނާ ހަވާލުކޮށްފައިވާ ތަކެއްޗެވެ. ނައްތާލާފައިވަނީ 64 ފުޅި ބަނގުރަލާއި 16 ދަޅު ބިޔަރެވެ.
މި ތަކެތި ނައްތާލާފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި އެފަދަ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި ޢަމަލުކުރާ ގޮތުގެ ޤަވާއިދުގެ ދަށުން، އެކަމަށްޓަކައި ޚާއްޞަކޮށް އެކުލަވާފައިވާ ކޮމިޓީގެ ބެލުމުގެ ދަށުންނެވެ.
