30 އޯގަސްޓް 2018 ގައި ސިނަމާލެ ބްރިޖު ހުޅުވިފަހުން، ބްރިޖު މަތިން ހިނގާފައި ނުވަތަ ދުވެފައި ހުޅުމާލެއާއި އެއަރޕޯޓަށް ދިއުމަކީ މަނާކުރެވިފައިވާ ކަމެކެވެ. ނަމަވެސް، އެއަރޕޯޓާ ވީކޮޅު ވޯކްވޭ ބަންދުކުރުމަށް ޖަހާފައިވާ ބެރިކޭޑުތައް ހުރަސްކޮށް ބައެއް މީހުން ދަތުރުކުރާކަން ވަނީ ފާހަގަވެފައެވެ.
މިއީ ނުރައްކާތެރި ހާދިސާއެއް ހިނގާފާނެ ކަމަކަށްވާތީ، އާންމުންގެ ސަލާމަތާއި ރައްކާތެރިކަމަށްޓަކައި އެ ސަރަހައްދުގައި ހިނގާބިނގާވެ އުޅުން މަނާކަން އަންގައިދޭ ނިޝާންތައް މިހާރު ވަނީ ހަރުކުރެވިފައެވެ.
އެހެންކަމުން، މި ބޯޑުތަކާއި ނިޝާންތަކަށް ނުބަލައި ގަވާއިދާ ހިލާފަށް އެ ސަރަހައްދުން ހިނގާ މީހުންނާމެދު ގަވާއިދުގެ ދަށުން ފިޔަވަޅު އަޅަމުންދާނެ ކަމަށް ފުލުހުން ވަނީ އަންގާފައެވެ.
