އިސްލާމީ ކަންތައްތަކާއި އައުގާފާ ބެހޭ ވަޒީރު، ޑރ. މުޙައްމަދު ޝަހީމް ޢަލީ ސަޢީދު ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އަށް ސޮއިކުރައްވައިފިއެވެ.
މީގެ ކުރިން އަދާލަތު ޕާޓީ (އޭޕީ) ގައި ހުންނެވި ޑރ. ޝަހީމް ޕީއެންސީ އާ ގުޅިވަޑައިގަތީ އިއްޔެއިން ފެށިގެންނެވެ. އޭޕީ އުފެއްދުމުގައި އިސް ދައުރެއް އަދާކުރެއްވި ޑރ. ޝަހީމް އެ ޕާޓީއާ އަލުން ގުޅިވަޑައިގެންނެވީ 2025 ވަނަ އަހަރުގެ މޭ މަހުގެ 1 ވަނަ ދުވަހުއެވެ.
ޑރ. ޝަހީމް ޕީއެންސީއާ ގުޅިވަޑައިގެންފައިވާކަން އިލެކްޝަންސް ކޮމިޝަން (އީސީ) ގެ ދަފުތަރުން ދެއްކި ކަމުގައިވިޔަސް، ޕީއެންސީއަށް ސޮއިކުރެއްވިކަން އެމަނިކުފާނު އަދި އިޢުލާނެއް ނުކުރައްވައެވެ.
