ވިޔަފާރިވެރިންނާ ޚިދުމަތްދޭ އިދާރާތަކާ ގުޅުވައިދޭ ޕްލެޓްފޯމު "ޓްރޭޑިއަން" ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް އިފުތިތާޙު ކޮށްދެއްވައިފިއެވެ.
ރައީސުލްޖުމްހޫރިއްޔާގެ ނައިބު މިއަދު އިފުތިތާޙުކޮށްދެއްވި "ޓްރޭޑިޔަން" ޕޯޓަލްގެ ދަށުން ވިޔަފާރިވެރިންގެ ހުއްދަތައް ނެގުމުގައި ހަރަކާތްތެރިވާ އިދާރާތަކާއި އެއް ޕްލެޓްފޯމެއްގެ ދަށުން ފަސޭހަކަމާއެކު ގިނަ ޚިދުމަތްތަކެއް ލިބިގެން ދާނެއެވެ.
މިއީ ސަރުކާރުން ވިޔަފާރިއަށް ފަހި މާހައުލެއް ރާއްޖޭގައި ޤާއިމުކުރުމަށް ކުރަމުންދާ މަސައްކަތުގެ ދަށުން ގާއިމުކުރި ޕޯޓަލެކެވެ .މި ޕޯޓަލް މެދުވެރިކޮށް، މުދާ ރާއްޖެއަށް އެތެރެކޮށް އަދި ބޭރުކުރާ ފަރާތްތަކާ ގުޅޭ ހުރިހާ ހިދުމަތެއް ލިބޭނެ އެވެ. މި ހުރިހާ ޚިދުމަތްތަކެއް އެއް ޕްލެޓްފޯމެއްގެ ދަށުން ލިބިގެން ދިޔުމަކީ ވިޔަފާރިވެރިންނަށް ލިބިގެންދާ ވަރަށް ބޮޑު ލުއިފަސޭހަ އެކެވެ.
މިއަދުގެ ރަސްމިއްޔާތުގައި އިކޮނޮމިކް މިނިސްޓަރު މުހައްމަދު ސައީދު ވިދާޅުވީ، ވިޔަފާރީގެ ހިދުމަތްތައް އަވަސްކުރުމަށް ސަރުކާރުން ވަރަށް ބޮޑު އިސްކަމެއް ދޭ ކަމަށެވެ. އަދި މި ޕްލެޓްފޯމަކީ އެކަމަށް ހުޅުވިގެން ދިޔަ ދޮރެއް ކަމަށް މިނިސްޓަރު ވިދާޅުވި އެވެ.
މި ޕްލެޓްފޯމުގެ ބޭނުން ރަސްމީގޮތުން ކުރަން ފެށުމުގެ މަސައްކަތް ފެށުމަށް ހަމަޖެހިފައި ވަނީ މިއަހަރުގެ ފަހުކޮޅުގައެވެ.
ސަރުކާރުން ކުރިއަށް ގެންދާ "ނެޝަނަލް ސިންގަލް ވިންޑޯ" މަޝްރޫއަކީ މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑާއި ޓްރޭޑްނެޓް މޯލްޑިވްސް ކޯޕަރޭޝަނާއި އަދި ކަމާގުޅޭ އިދާރާތައް ގުޅިގެން ހިންގާ މަޝްރޫއެކެވެ.
މި ލިޔުން ކިޔާލުމުން
