ދިވެހިރާއްޖެއަށް އިސްލާމްދީން އައިތާ 900 އަހަރު ފުރުމުގެ މުނާސަބަތާ ގުޅުވައިގެން، މައުމޫން ފައުންޑޭޝަނުގެ ފަރާތުން މުޅި ރާއްޖެއަށް ހުޅުވާލައިގެން މަޒުމޫނު ލިޔުމުގެ މުބާރާތެއް ބާއްވަން އިއުލާނުކޮށްފިއެވެ. މިއީ ދިވެހިރާއްޖޭގެ ތާރީޚީ އަދި ދީނީ މި ބޮޑު މުނާސަބަތު ފާހަގަކުރުމުގެ ގޮތުން ދިވެހި މުސައްނިފުންނާއި ސަގާފީ ލިޔުންތެރިންނަށް ހުޅުވާލެވުނު ފުރުސަތެކެވެ.
މައުމޫން ފައުންޑޭޝަނުން ނެރުނު ނޫސްބަޔާނެއްގައި ބުނެފައިވާ ގޮތުގައި، މި މުބާރާތް އޮންނަންވާނީ 2 ބަޔަކަށް ބަހާލެވިފައެވެ. އެއީ 30 އަހަރުން ދަށުގެ އުމުރުފުރާއާއި، 30 އަހަރުން މަތީގެ އުމުރުފުރާއެވެ. މުބާރާތުގެ ދެ އުމުރުފުރާއިން ވެސް އެންމެ ރަނގަޅު ލިޔުންތަކަށް ވަނީ އަގުހުރި ފައިސާގެ އިނާމުތަކެއް ހުށަހެޅިފައެވެ.
އިނާމުތައް ދިނުމަށް ހަމަޖެހިފައިވާ ގޮތް:
-
- 1 ވަނަ ވަނަ: 5000.00 ރުފިޔާ
- 2 ވަނަ ވަނަ: 3500.00 ރުފިޔާ
- 3 ވަނަ ވަނަ: 2000.00 ރުފިޔާ
- މީގެ އިތުރުން 1 ވަނަ، 2 ވަނަ އަދި 3 ވަނައަށް ހޮވޭ ލިޔުންތެރިންނަށް ހަނދާނީ ލިޔުންވެސް ދިނުމަށް ވަނީ ހަމަޖެހިފައެވެ.
މި މުބާރާތުގައި ބައިވެރިވާން އެދޭ ފަރާތްތަކުން ތައްޔާރުކުރާ މަޒުމޫނުތައް، 6 ސެޕްޓެމްބަރ 2026 ވާ އާދިއްތަ ދުވަހުގެ މެންދުރުފަހު 2:00 ގެ ކުރިން މައުމޫން ފައުންޑޭޝަނަށް ހުށަހަޅަންޖެހޭނެއެވެ. މުބާރާތާ ގުޅޭ އިތުރު މައުލޫމާތާއި ގަވާއިދު، މައުމޫން ފައުންޑޭޝަނުގެ އޮފީހުންނާއި ވެބްސައިޓުން ލިބެން ހުންނާނެކަމަށް އެ ފައުންޑޭޝަނުން މައުލޫމާތުދެއެވެ. އަދި އިތުރު މައުލޫމާތު ސާފުކުރުމަށް އެ ފައުންޑޭޝަނުގެ ފޯނު ނަންބަރު 7981500 އަށް ގުޅުއްވުމަށް ވަނީ އެދިފައެވެ.
