ފަލަސްތީނުގެ ރެފިއުޖީންނަށް އެހީތެރިކަން ފޯރުކޮށްދޭ އދ. ގެ އެޖެންސީ، ޔޫއެންއާރުޑަބްލިޔުއޭ އަށް ދިވެހިރާއްޖޭގެ ފަރާތުން އަހަރަކު ދޭ އެހީ 50،000 އެމެރިކާ ޑޮލަރަށް އިތުރުކޮށް، އެ ފައިސާ ދިނުމަށް ރާއްޖެއިން ވައުދުވެއްޖެއެވެ.
މިކަން ރަސްމީކޮށް އިއުލާނު ކުރެއްވީ އދ. އަށް ކަނޑައަޅުއްވާފައި ހުންނަވާ ދިވެހިރާއްޖޭގެ ދާއިމީ މަންދޫބު، ސަފީރު ޑރ. އަލީ ނަސީރު މުހައްމަދު އެވެ.
Today, Ambassador @AlinyMohamed announced #Maldives pledge of USD 50,000 to @UNRWA in support of #Palestine refugees; reaffirmed 🇲🇻 commitment to ensuring humanitarian assistance to those who needs it, & called for UNRWA's mandate to be protected & enabled without obstruction. pic.twitter.com/YqdtiiiN1c
— Maldives Mission NY (@MVPMNY) July 1, 2026
އދ. ގެ މައި މަރުކަޒުގައި ބޭއްވުނު ޔޫއެންއާރުޑަބްލިޔުއޭ އަށް އެހީވުމާ ބެހޭ ކޮންފަރެންސްގައި ވާހަކަދައްކަވަމުން ސަފީރު އަލީ ނަސީރު ވިދާޅުވީ، ފަލަސްތީނުގެ ރައްޔިތުންނަށް އިންސާނީ އެހީތެރިކަން ކަށަވަރުކޮށްދިނުމުގައި ދިވެހިރާއްޖެ އަބަދުވެސް ސާބިތުކަމާއެކު ދެމިއޮންނާނެ ކަމަށެވެ. އަދި ހާއްސަކޮށް މި ދަނޑިވަޅުގައި، އެހީ ބޭނުންވެފައިވާ ފަރާތްތަކަށް އެއްވެސް ހުރަހެއް ނެތް ގޮތެއްގައި އިންސާނީ އެހީ ފޯރުކޮށްދިނުމަކީ ކޮންމެހެން ބޭނުންތެރި ކަމެއްކަން ސަފީރު ފާހަގަކުރެއްވިއެވެ.
"ޔޫއެންއާރުޑަބްލިޔުއޭ އަކީ ފަލަސްތީނުގެ މިލިއަނަކަށްވުރެ ގިނަ ރެފިއުޖީންގެ ހަމައެކަނި ސަލާމަތްތެރިކަން. އެ އެޖެންސީގެ މަސައްކަތްތަކަށް ހުރަސްއެޅުމެއް ނެތި، އެޖެންސީގެ މެންޑޭޓް ހިމާޔަތްކޮށް ބާރުވެރިކުރުވަންޖެހޭ." ސަފީރު ޑރ. އަލީ ނަސީރު މުހައްމަދު ވިދާޅުވިއެވެ.
މީގެ ކުރިން ދިވެހިރާއްޖެއިން މި ފަންޑަށް އަހަރަކު ދެމުން އައީ 5،000 އެމެރިކާ ޑޮލަރެވެ. ނަމަވެސް، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ނިންމެވުމާ އެއްގޮތަށް، ރާއްޖެއިން ދޭ އަހަރީ އެހީ މިވަނީ ދިހަ ގުނަ އިތުރުކޮށްފައެވެ.
މީގެ އިތުރުން، ރައީސް މުއިއްޒުގެ އިސްނެންގެވުމުގެ މަތިން މިދިޔަ ދުވަސްތަކުގައި ބޭއްވި "ފަލަސްތީނާއެކު ދިވެހިން" ޓެލެތޯންގެ ޒަރީއާއިން ދިވެހި ރައްޔިތުން ހަދިޔާކުރި 1.2 މިލިއަނަށްވުރެ ގިނަ ޑޮލަރު ވެސް ޔޫއެންއާރުޑަބްލިޔުއޭ މެދުވެރިކޮށް ފަލަސްތީނުގެ ރައްޔިތުންނަށް ފޯރުކޮށްދިނުމަށް ވަނީ ހަމަޖެހިފައެވެ.
ބައިނަލްއަގުވާމީ މުޖުތަމައުން ޔޫއެންއާރުޑަބްލިޔުއޭ އަށް މާލީ އަދި ސިޔާސީ ގޮތުން ދޭންޖެހޭ އެއްބާރުލުން ފުރިހަމައަށް ދިނުމަށާއި، ފަލަސްތީނުގެ ރައްޔިތުންނަށް މިނިވަން އަދި މުސްތަގިއްލު ދައުލަތެއް ގާއިމުކޮށްދިނުމަށް ކުރާ މަސައްކަތްތަކަށް ދިވެހިރާއްޖެއިން ކުރާ ތާއީދު ސަފީރުގެ ބަޔާނުގައި އަލުން ތަކުރާރު ކުރެއްވިއެ
