ރާއްޖޭގެ މިނިވަންކަމަށް 60 އަހަރު ފުރުމުގެ މުނާސަބަތު ފާހަގަކުރުމަށްޓަކައި ފަންނާއި ސަގާފަތާއި ތަރިކައާ ބެހޭ ވުޒާރާއިން ޖުމްލަ 4.1 މިލިއަން ރުފިޔާ ހަރަދުކޮށްފައިވާ ކަމަށް އެ ވުޒާރާގެ ވަޒީރު ހީނާ ވަލީދު ވިދާޅުވެއްޖެއެވެ.
މިނިސްޓަރު ހީނާ މިކަން ހާމަކުރެއްވީ ރައްޔިތުންގެ މަޖިލީހުގެ މިއަދުގެ ޖަލްސާގައި، ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް ކުރެއްވި ސުވާލަކަށް ޖަވާބު ދެއްވަމުންނެވެ. މެންބަރު ވަނީ މިނިވަން ދުވަހުގެ ހަރަކާތްތަކަށް ހިނގި ޖުމްލަ ހަރަދުގެ ތަފްސީލާއި، މާލެ ފިޔަވައި ރާއްޖޭގެ އެހެން ސަރަހައްދުތަކުގައި އެ ހަރަކާތްތައް ކުރިއަށްދިޔަ ގޮތާ ބެހޭގޮތުން ސުވާލު ކުރައްވާފައެވެ.
މަޖިލީހުގައި ވާހަކަދައްކަވަމުން މިނިސްޓަރު ހީނާ ވިދާޅުވީ، މިނިވަންކަމުގެ އަލްމާސް ޔޫބީލް ފާހަގަކުރުމުގެ ހަރަކާތްތައް ކުރިއަށް ގެންގޮސްފައިވަނީ ހަމައެކަނި މާލޭ ސަރަހައްދުގައި ކަމަށެވެ. އަދި އަތޮޅުތެރޭގެ އެއްވެސް ރަށެއްގައި މިނިސްޓްރީގެ ފަރާތުން ރަސްމީ އެއްވެސް ހަރަކާތެއް ހިންގާފައި ނުވާނެ ކަމަށްވެސް ވަޒީރު ސާފުކޮށްދެއްވިއެވެ.
"ދިވެހިރާއްޖޭގެ މިނިވަންކަމަށް 60 އަހަރު ފުރުމުގެ މުނާސަބަތު ފާހަގަކުރުމަށް މި ވުޒާރާއިން ހިންގެވި ހަރަކާތްތަކަށް ޖުމްލަ ހަރަދުވެފައިވަނީ 4.1 މިލިއަން ރުފިޔާ. މިނިވަންކަމަށް 60 އަހަރު ފުރުމުގެ މުނާސަބަތާއި ގުޅިގެން މާލެ ފިޔަވައި އަތޮޅުތެރޭގެ އެއްވެސް ރަށެއްގައި މި ހަރަކާތް ހިންގާފައެއް ނުވޭ،" މިނިސްޓަރު ހީނާ ވިދާޅުވިއެވެ.
ނިމިދިޔަ އަހަރުގެ ޖުލައި މަހުގެ 26 ވަނަ ދުވަހު ފުރުނު މިނިވަން ދުވަހުގެ ބޮޑު މުނާސަބަތާ ދިމާކޮށް މާލެ އާއި ހުޅުމާލޭގައި ވަނީ ކުލަގަދަ ގިނަ ހަރަކާތްތަކެއް ބާއްވާފައެވެ. އޭގެ ތެރޭގައި އާންމުންގެ ބޮޑު މަގުބޫލުކަމެއް ހޯދި އެމްއެންޑީއެފްގެ އަސްކަރީ ޕެރޭޑާއި، ގައުމީ ކެޑޭޓުކޯގެ ހެދުމުގެ ހަރަކާތްތަކުގެ އިތުރުން ސްކޫލްތަކުގެ ސަގާފީ ކުޅިވަރުތަކާއި ފުޅަނދުބުރު ހިމެނެއެވެ.
ސަގާފަތާއި ތަރިކައާ ބެހޭ ވުޒާރާއިން ބުނި ގޮތުގައި، މި ފަދަ ހަރަކާތްތަކެއް އިންތިޒާމުކުރުމުގެ މައިގަނޑު މަގުސަދަކީ ގައުމީ ރޫހު އާލާކޮށް، ދިވެހި ދަރިންގެ ހިތްތަކުގައި ގައުމިއްޔަތާއި ގައުމީ ލޯބި އިތުރަށް ވަރުގަދަކުރުމެ