ހުޅުމާލޭ ޖަލުގެ ތިން ޔުނިޓެއް ރިމާންޑު ޖަލެއްގެ ގޮތުގައި ބޭނުންކުރުމަށް ދާހިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވުޒާރާއިން ނިންމަވައިފިއެވެ.
ރާއްޖޭގެ ޖަލުތަކާއި ޕެރޯލްގެ ގާނޫނުގެ ދަށުން މިގޮތަށް ކަނޑައަޅާފައިވަނީ ހުޅުމާލެ ޖަލުގެ ޔުނިޓް 6 ގެ ސެލް 1 އަދި ސެލް 2 އެވެ.
Advertisement
މޯލްޑިވްސް ކަރެކްޝަނަލް ސާވިސަސްގެ ބެލުމުގެ ދަށުން ހިންގާ މި ޔުނިޓުތަކަކީ ކުށެއްގެ ތުހުމަތުގައި ހައްޔަރުކުރެވޭ މީހުންގެ ތެރެއިން، ޝަރީއަތް ނިމި ހުކުމް ނުކުރާ މީހުން ބަންދުގައި ބޭތިއްބުމަށް ހާއްސަކުރެވޭ ތަންތަނެވެ.
އެކިއެކި ކުށްތައް ސާބިތުވެގެން ހުކުމް ތަންފީޒުކުރާ މީހުން ބައިތިއްބާ އައްސޭރި ޖަލާ ހިލާފަށް، މި ރިމާންޑް ޖަލު ހާއްސަވާނީ ހަމައެކަނި ޝަރީއަތް ހިނގަމުންދާ ފަރާތްތަކަށެވެ.