ބޭންކް އޮފް މޯލްޑިވްސް (ބީއެމްއެލް) އިން ކުރިއަށްގެންދާ މެއިންޓެނަންސް މަސައްކަތެއްގެ ސަބަބުން، މިރޭ ދަންވަރުގެ ވަގުތެއްގައި އެ ބޭންކުގެ ކާޑުގެ ޚިދުމަތްތަކަށް ބުރޫއަރާފާނެ ކަމަށް އެ ބޭންކުން ބުނެފިއެވެ.
ބީއެމްއެލް އިން އެކްސްގައި ކުރި ޕޯސްޓެއްގައި ބުނެފައިވަނީ، ޚިދުމަތުގެ ފެންވަރު ރަނގަޅު ކުރުމަށްޓަކައި ކުރިއަށްގެންދާ ޝެޑިއުލްޑް މެއިންޓެނަންސްގެ މަސައްކަތް ކުރިއަށްދާނީ މިރޭ މެންދަމު 1:30 އިން 2:00 އަށް ކަމަށެވެ.
We will be carrying out a scheduled maintenance on Friday, 26 June 2026, from 1:30 AM – 2:00 AM.
During this period, the following service may be temporarily unavailable for 30 minutes:
- Card Services
We apologize for any inconvenience and appreciate your patience as we work…
— Bank of Maldives (@bankofmaldives) June 25, 2026
މި ވަގުތުގެ ތެރޭގައި ގާތްގަނޑަކަށް 30 މިނެޓަށް ބޭންކުގެ ކާޑުގެ ޚިދުމަތްތައް މެދުކެނޑިގެންދާނެ ކަމަށް އެ ބޭންކުން މައުލޫމާތު ދެއެވެ. މީގެ ތެރޭގައި އޭޓީއެމް މެދުވެރިކޮށް ކާޑުން ކުރާ މުއާމަލާތްތަކާއި، ޕީއޯއެސް މެޝިން އަދި އޮންލައިން ޕޭމަންޓްތައް ހިމެނެއެވެ.
މި މެއިންޓެނަންސް މަސައްކަތުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށްޓަކައި ބީއެމްއެލް އިން ވަނީ މައާފަށް އެދިފައެވެ. އަދި ބޭންކުގެ ޚިދުމަތްތައް އިތުރަށް ފުރިހަމަކުރުމަށް ކުރާ މިފަދަ މަސައްކަތްތަކުގައި ކަސްޓަމަރުން ބަހައްޓަވާ ކެތްތެރިކަމަށް އެ ބޭންކުން ޝުކުރު އަދާކޮށްފައިވެއެވެ.