އެމްޓީޑީސީ އޮފީސް ކޮމްޕްލެކްސްގެ 90 އިންސައްތަ މަސައްކަތް ނިމިއްޖެ

މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) އިން އިމާރާތްކުރާ އޮފީސް ކޮމްޕްލެކްސްގެ މަސައްކަތްތައް ކުރިއަށްދާ ގޮތް ބައްލަވާލެއްވުމަށް އެ ކުންފުނީގެ ބޯޑު އޮފް ޑިރެކްޓަރުން އެ ސައިޓަށް ޒިޔާރަތްކުރައްވައިފިއެވެ. އެމްޓީޑީސީން އެކްސްގައި ކުރި ޕޯސްޓެއްގައި ބުނެފައިވަނީ، މި ޒިޔާރަތަކީ މިހާރު ކުރިއަށްދާ މަސައްކަތްތަކުގެ ފެންވަރާއި، މަސައްކަތް ގޮސްފައިވާ ހިސާބު ސީދާ ގާތުން ބައްލަވާލެއްވުމަށް ކުރެއްވި ޒިޔާރަތެއް ކަމަށެވެ. މި ބައްދަލުވުމުގައި ބޯޑު މެންބަރުން ވަނީ އިމާރާތުގެ މަސައްކަތްތައް ކުރިއަށްދާ ގޮތުގެ އެންމެ ފަހުގެ ތަފްސީލުތައް އޮޅުންފިލުއްވައި، މަޝްރޫޢުގެ މިހާރުގެ ހާލަތު ވަޒަންކުރައްވާފައެވެ.

The Board of Directors visited the MTDC Office Complex site to review the ongoing construction progress. With ‎90%‎ of the work now completed, the project is on track for completion by the end of June. The visit provided an opportunity to assess progress firsthand and review the… pic.twitter.com/8DkIplnUAM

— Maldives Tourism Development Corporation PLC (@MtdcPlcTeam) May 4, 2026

މި މަޝްރޫޢާ ގުޅޭގޮތުން އެ ކުންފުނިން ހާމަކުރި ގޮތުގައި، އިމާރާތުގެ މަސައްކަތުގެ 90 އިންސައްތަ މިހާރު ވަނީ ނިމިފައެވެ. އަދި މަސައްކަތްތައް ތާވަލާ އެއްގޮތަށް ކުރިއަށްދާނަމަ، އަންނަ ޖޫން މަހުގެ ނިޔަލަށް މުޅި މަޝްރޫޢު އެއްކޮށް ނިންމާލެވޭނެ ކަމަށް އެ ކުންފުނިން ލަފާކުރެއެވެ. އެމްޓީޑީސީގެ އައު އޮފީސް ކޮމްޕްލެކްސްއަކީ އެ ކުންފުނީގެ ހިންގުން ހަރުދަނާކޮށް، މަސައްކަތްތައް އެއް ފުރާޅެއްގެ ދަށަށް ގެނައުމަށްޓަކައި ކުރިއަށްގެންދާ މުހިންމު މަޝްރޫޢެކެވެ.