ހުޅުމާލެ ނެއިބަރހުޑް އެކެއްގައި ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)އިން ތަރައްގީކުރި ސްޕޯޓްސް ޕާކު ރަސްމީކޮށް ހުޅުވައިފި އެވެ.
މި ޕާކް ހުޅުވާފައިވަނީ، އެކަމަށްޓަކައި ރޭ ބޭއްވި ރަސްމިއްޔާތެއްގައި، އެޗްޑީސީގެ މެނޭޖިންގ ޑިރެކްޓަރ، ބްރިގޭޑިއަރ ޖެނެރަލް (ރިޓަޔަރޑް) ޢަލީ ޒުހައިރެވެ.
އެޗްޑީސީން ބުނީ، މި ޕާކުގައި ތިން ދަނޑު ހިމެނޭ ކަމަށެވެ. އެއީ ވޮލީ ކޯޓަކާއި، ބާސްކެޓް ބޯލް ކޯޓެއްގެ އިތުރުން ފުޓްސެލް ދަނޑެކެވެ. ރޭ ޕާކް ހުޅުވުމަށްފަހު މި ތިން ދަނޑުގައި ވަނީ މެޗްތަކެއް ވެސް ކުޅެފަ އެވެ.
N1 Sports Park in #MyHulhumalé is now open!
Designed to bring our community together, this vibrant space is perfect for anyone looking to stay active, play their favorite sports,and connect with friends.#WithHDC#HDCProjects#MyHulhumalé#SeatoSilverShores#HDC25 pic.twitter.com/PzaTsFdzJs
— Housing Development Corporation (@hdcmaldives) May 19, 2026
މިޕާކަކީ، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ހުޅުމާލެ ފުރަތަމަ ފިޔަވަހީގެ ރައްޔިތުންނާ ބައްދަލުކުރެއްވުމަށް ބޭއްވެވި ޖަލްސާގެ ތެރެއިން، ހުޅުމާލެ ނެއިބަރހުޑް އެކެއްގެ ރައްޔިތުން ކުޅިވަރު ކުޅޭނެ އެކަށީގެންވާ ވަސީލަތެއް ނެތްކަމުގެ ޝަކުވާ ހުށަހެޅުމުން އެކަމަށް ހާއްސަ އިސްކަމެއް ދެއްވައިގެން ކުރިއަށް ގެންގޮސްފައިވާ މަޝްރޫއެކެވެ. ރޭގެ ރަސްމިއްޔާތުގައި އެކަން ފާހަގަކޮށް އެ ކޮމިއުނިޓީގެ ރެޕްރެޒެންޓޭޓިވް ނައީމް ވަނީ އެކަމަށްޓަކައި ރައީސްއަށް ޝުކުރު އަދާ ކުރައްވާފަ އެވެ.