އެމްޑަބްލިޔުއެސްސީގެ ބޯޑުން ޝަމްހޫޒާ ވަކިކޮށްފި

މާލެ ވޯޓަރ އެންޑް ސުވަރޭޖް ކޮމްޕެނީ (އެމްޑަބްލިޔުއެސްސީ) ގެ ޗެއަރޕާސަންގެ މަޤާމުގައި ހުންނެވި ޝަމްހޫޒާ އަޙުމަދު، އެ މަޤާމުން ވަކިކޮށްފިއެވެ. ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ވަނީ ޝަމްހޫޒާ އެމްޑަބްލިޔުއެސްސީގެ ޑިރެކްޓަރުންގެ ބޯޑުން ވަކިކޮށްފައިވާކަން ކަށަވަރުކޮށްދީފައެވެ. ނަމަވެސް، އޭނާ އެ މަޤާމުން ވަކިކުރި ސީދާ ސަބަބެއް ޕީސީބީން ހާމަކޮށްފައެއް ނުވެއެވެ.

މާލެ ވޯޓަރ އެންޑް ސްވެރޭޖް ކޮމްޕެނީ ލިމިޓެޑްގެ، ޗެއަރމަންކަމުގެ މަޤާމުންނާއި، ޑިރެކްޓަރުންގެ ބޯޑުގެ މެމްބަރުކަމުން ސ. ފޭދޫ ނާޒުކީގޭ އަލްފާޟިލާ ޝަމްހޫޒާ އަޙުމަދު މިއަދުން ފެށިގެން ވަނީ ވަކިކޮށްފައެވެ.

— Privatization & Corporatization Board (@pcb_gov) May 17, 2026

ޝަމްހޫޒާއަކީ މި ސަރުކާރުގައި އެމްޑަބްލިޔުއެސްސީގެ ޗެއަރޕާސަންގެ މަޤާމަށް އައްޔަންކުރެއްވި ބޭފުޅެކެވެ. އޭނާއަކީ މީގެ ކުރިން ވެސް ސަރުކާރުގެ އެކި މުއައްސަސާތަކުގައި އިސް މަޤާމުތަކެއް ފުރުއްވާފައިވާ ބޭފުޅެކެވެ. ޝަމްހޫޒާ މަޤާމުން ވަކިކޮށްފައި މިވަނީ، ސަރުކާރު ހިއްސާވާ ކުންފުނިތަކުގެ ހިންގުން ހަރުދަނާކޮށް، އުފެއްދުންތެރިކަން އިތުރުކުރުމަށްޓަކައި ސަރުކާރުން ކުންފުނިތަކުގެ މެނޭޖްމަންޓަށް ބޮޑެތި ބަދަލުތަކެއް ގެންނަމުންދާ ދަނޑިވަޅެއްގައެވެ.