އެމްޓީސީސީގެ ޑެޕިއުޓީ މެނޭޖިން ޑިރެކްޓަރުކަމަށް އަދި އެ ކުންފުނީގެ ބޯޑު މެންބަރުކަމަށް އަހްމަދު މުބީން އައްޔަންކޮށްފިއެވެ.
މުބީނަކީ މި ސަރުކާރުގައި ފުރަތަމަ ރީޖަނަލް އެއާޕޯޓްސް ކޮމްޕެނީ ލިމިޓެޑުގެ މެނޭޖިން ޑިރެކްޓަރުގެ މަގާމަށްް އައްޔަންކުރެއްވި ބޭފުޅާއެވެ. އެ މަގާމުގައި އޭނާ ހުންނަވަނިކޮށް އެ ކުންފުނި އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ދަށަށް ބަދަލުކުރުމަށް ސަރުކާރުން ނިންމެވިއެވެ.
މުބީނު އެމްޓީސީސީގެ ޑެޕިއުޓީ މެނޭޖިން ޑިރެކްޓަރު އަދި އެ ކުންފުނީގެ ބޯޑު މެންބަރުކަމަށް އައްޔަންކުރުމާ ގުޅިގެން އެ ކުންފުނީގެ މީސްމީޑިޔާ މަންސަތަކުގައި ޝާއިއުކުރި ޕޯސްޓުގައި އޭނާއަށް ވަރަށް ހޫނު މަރުހަބާއެއް ކިޔާފައިވެއެވެ. އަދި މުބީނުގެ އިސްތިރާޖީ ތަސަައްވުރާއި ލީޑާޝިޕާއެކު ކާމިޔާބުގެ އައު ހަރުފަތްތަކެއް އެ ކުންފުންޏަށް ހާސިލުވާނެކަމުގެ އިތުބާރު އޮތްކަމަށް ބުނެފައިވެއެވެ.
