ބޭންކް އޮފް މޯލްޑިވްސް (ބީއެމްްއެލް) އިން ލޯނު ދޫކުރާ މީހުންގެ އުމުރު 75 އަހަރަށް މަތިކޮށްފި އެވެ.
މިއީ ގެދޮރު ގަތުމާއި އެފަދަ އިތުރު ކަންތައްތައް ކުރުމަށް ފަސޭހަކޮށްދިނުމުގެ ގޮތުން އެ ބެންކުން ނިންމި ނިންމުމެއް ކަމަށް ވިދާޅުވި އެވެ. އޭގެ އިތުރުން 75 އަހަރަށް ވުރެ މަތީ އުމުރުގެ މީހުންނަށް ވެސް އާމްދަނީ ލިބޭ ނަމަ ކްރެޑިޓް ކާޑު ނެގޭނެ ކަމަށް ވެސް ޝަރީފް ވިދާޅުވި އެވެ.
ބެންކުން ލޯނާއި ފައިނޭންސިންގ ދޫކުރާ އެންމެ މަތީ އުމުރުފުރާ 60 އަހަރުން 75 އަހަރަށް މަތިކޮށްފި. pic.twitter.com/4C511qmKbP
— Bank of Maldives (@bankofmaldives) April 21, 2026
މީގެ ކުރިން ބީއެމްއެލްގެ ލޯނު ލިބޭ މީހުންގެ އުމުރުގެ ގޮތުގައި ކަނޑައަޅާފައި ވަނީ 60 އަހަރެވެ.
މިއަދުގެ މީޑިއާ ބްރީފިންގައި ޝަރީފް ވިދާޅުވީ، ރިސޯޓުތަކުގައި މަސައްކަތް ކުރާ މީހުންގެ ތެރެއިން ޑޮލަރުން ލޯނަށް ފައިސާ ދައްކަން ބޭނުންވާ މީހުންނަށް 1.5 ޕަސެންޓު ކުޑަކޮށް ލޯނަށް ފައިސާ ދެއްކޭނެ އިންތިޒާމު ވެސް މިހާރު ހަމަޖައްސާފައިވާ ކަމަށެވެ. އަދި ރިސޯޓުގައި މަސައްކަތް ކުރާ މީހުންގެ އިތުރުން ރާއްޖެއިން ބޭރުގައި ވަޒީފާ އަދާކުރާ މީހުންނަށް ވެސް މި އިންތިޒާމުގެ ދަށުން، އެ ރޭޓުގައި ލޯނު ދެއްކޭނެ ކަމަށް ވިދާޅުވި އެވެ.
