ޔޫތު ވޮލަންޓިއަރ ޕްރޮގްރާމްގައި ބައިވެރިވާން ހުޅުވާލައިފި

ޔޫތު ވޮލަންޓިއަރ ޕްރޮގްރާމްގައި ބައިވެރިވުމުގެ ފުރުސަތު ހުޅުވާލައިފިއެވެ. ޒުވާނުން ބާރުވެރިކުރުވުމާއި މަޢުލޫމާތާއި ފަންނާބެހޭ ވުޒާރާއިން ކުރިއަށްގެންދާ ޔޫތު ވޮލަންޓިއަރ ޕްރޮގްރާމުގައި ބައިވެރިވެވޭނީ އުމުރުން 18އަހަރާއި 35 އަހަރާ ދެމެދުގެ ޢުމުރުފުރާތަކުގެ ޒުވާނުންނަށެވެ. ޔޫތު ވޮލަންޓިއަރ ޕްރޮގްރާމުގެ ތެރެއިން، އިޖްތިމާޢީ އަދި ބައިނަލްއަޤްވާމީ ތަމްރީނުތަކާއި، ވޯކްޝޮޕްތަކާއި، ސެމިނާތަކުގައި ވޮލަންޓިއަރ ކުރުމުގެ ފުރުސަތު ލިބޭނެއެވެ. އަދި ހިންގޭ އެކި ޕްރޮގްރާމުތަކުގައި އިސްކޮށް ހަރަކާތްތެރިވުމުގެ ފުރުސަތު މި ޕްރޮގްރާމުގެ ތެރެއިން ލިބިގެންދާނެއެވެ.

Join our Youth Volunteer Program and contribute to a positive change in the community. Apply now: https://t.co/9tTjrXqVj5 pic.twitter.com/97oeK0CZX7

— Ministry of Youth Empowerment, Information and Art (@YouthGovMv) April 9, 2026

މި ޕްރޮގްރާމުގައި ބައިވެރިވުމަށް ޝައުޤުވެރިވާ ފަރާތްތަކުން ވީއެންމެ އަވަހަކަށް ޕްރޮގްރާމުގައި ބައިވެރިވުމަށް ޒުވާނުން ބާރުވެރިކުރުވުމާ ބެހޭ ވުޒާރާއިން ވަނީ އެދިފައެވެ. މި ޕްރޮގްރާމުގައި ބައިވެރިވެވޭނީ އެވުޒާރާގެ ވެބްސްއިޓުގައި ޝާއިއުކޮށްފައިވާ ގޫގަލް ފޯމު މެދުވެރިކޮށެވެ.