ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބަށް ޚާއްޞަކޮށް ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން މައްޗަންގޮޅި އުތުރު ދާއިރާގައި ޤާއިމްކުރާ ކެމްޕެއިން ޖަގަހަ މިރޭ ހުޅުވުމަށް ތައްޔާރުވެއްޖެއެވެ.
ޕީއެންސީން ހާމަކުރި ގޮތުގައި މި ޖަގަހަ ހުޅުވުމުގެ ރަސްމިއްޔާތު އޮންނާނީ 16 މާރިޗު 2026 ގެ 21:30 ގައި، މއ. ކަޅުފެހިގެއާގެ ކުރިމަތީގައެވެ.
މައްޗަންގޮޅި އުތުރު ދާއިރާގެ ކެންޕެއިން ޖަގަހަ ރަސްމީކޮށް ހުޅުއްވައި ދެއްވުން މިރޭ (16 މާރިޗް 2026 ވާ ހޯމަ ދުވަހުގެރޭ) 21:30 ގައި، މއ. ކަޅުފެހިގެއާގެ ކުރިމަތީގައި އޮންނާނެ . މި ޖަގަހަ ރަސްމީކޮށް އިފްތިތާޙު ކޮށްދެއްވާނީ ދިވެހިރާއްޖޭގެ އިއްޒަތްތެރި ރައީސުލްޖުމްހޫރިއްޔާގެ… pic.twitter.com/eY7Wqdo01X
— PNC Secretariat (@pnc_secretariat) March 16, 2026
އަދި މި ޖަގަހަ ރަސްމީކޮށް އިފްތިތާޙު ކޮށްދެއްވާނީ ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދެވެ.
ޕީއެންސީން ވަނީ މި ރަސްމިއްޔާތުގައި ބައިވެރިވުމަށް އެ ޕާޓީގެ މެންބަރުންނާއި އެ ޕާޓީއަށް ތާއީދުކުރާ ހުރިހާ ފަރާތްތަކަށްވެސް ދަޢުވަތު އަރުވައިފައެވެ.
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބު އޮންނާނީ 4 އެޕްރީލް 2026 ގައެވެ.
