ރޭ ކުޑަކުދިންތަކެއް ފެމިލީ އެންޑް ޗައިލްޑް ޕްރޮޓެކްޝަނަށް ގެންދިޔައީ އެ ކުދިންގެ ރައްކާތެރިކަން ކަށަވަރުކުރުމަށް: ފުލުހުން

ރޭ ކުޑަކުދިންތަކެއް ފެމިލީ އެންޑް ޗައިލްޑް ޕްރޮޓެކްޝަނަށް ގެންދިޔައީ އެ ކުދިންގެ ރައްކާތެރިކަން ކަށަވަރުކުރުމަށް ކަމަށް ދިވެހި ފުލުހުންގެ ޚިދުމަތުން ބުނެފިއެވެ. ފުލުހުން މިހެން ބުނީ އާންމު ތަނެއްގައި ތިބި ކުޑަކުދިންތަކަކާމެދު ފުލުހުން އަމަލު ކޮށްފައިވާ ގޮތާ ގުޅޭ ގޮތުން ސޯޝަލް މީޑިއާގައި ދައުރުވަމުންދާ ކަންބޮޑުވުންތަކާ ގުޅޭގޮތުން މިއަދު އެކްސްގައި ކުރި ޕޯސްޓެއްގައެވެ.

އާންމު ތަނެއްގައި ތިބި ކުޑަކުދިންތަކަކާމެދު ފުލުހުން އަމަލު ކޮށްފައިވާ ގޮތާ ގުޅޭ ގޮތުން ސޯޝަލް މީޑިއާގައި ދައުރުވަމުންދާ ކަންބޮޑުވުންތަކާ ގުޅޭގޮތުން ދަންނަވަމެވެ. އާންމު ތަނެއްގައި ކުޑަކުދިންތަކެއް އުޅޭ ކަމުގެ މައުލޫމާތު ރޭ 21:15 ހާއިރު ފުލުހުން ލިބުމާ ގުޅިގެން އެ ސަރަހައްދަށް…

— Maldives Police (@PoliceMv) March 15, 2026

މިގޮތުން ފުލުހުން ބުނީ އާންމު ތަނެއްގައި ކުޑަކުދިންތަކެއް އުޅޭ ކަމުގެ މައުލޫމާތު ރޭ 21:15 ހާއިރު ފުލުހުން ލިބުމާ ގުޅިގެން އެ ސަރަހައްދަށް ފުލުހުން ގޮސް، އެ ކުދިންގެ ރައްކާތެރިކަން ކަށަވަރުކުރުމަށްޓަކައި ފެމިލީ އެންޑް ޗައިލްޑް ޕްރޮޓެކްޝަނަށް އެކުދިން ގެންދެވިފައިވާ ކަމަށާއި، މިއީ އެ ކުދިންގެ ސަލާމަތާއި ރައްކާތެރިކަން ކަށަވަރުކުރުމުގެ ގޮތުން އަޅާފައިވާ ފިޔަވަޅެއް ކަމަށެވެ. ފުލުހުން ބުނީ އެ ކުދިން ވަނީ އެކުދިންގެ ބެލެނިވެރިންނާ ރޭ ހަވާލުކުރެވިފައި ކަމަށެވެ. އަދި ކުޑަކުދިންގެ ރައްކާތެރިކަމާ ގުޅޭގޮތުން ހުށަހެޅޭ ކަންބޮޑުވުން ތަކުގައި، އެކަށީގެންވާ ހަރުދަނާ ފިޔަވަޅު އެޅުމަކީ ދިވެހި ފުލުހުންގެ ހިދުމަތުން އަބަދުވެސް އިސްކަންދޭނެ ކަމެއް ކަމުގައި އެ ޚިދުމަތުން ބުނެފައިވެއެވެ.