ކާބޯތަކެތީގެ ޚިދުމަތް ދޭ ތަންތަނަށް ނަގާ ފީތައް %50 އަށް ކުޑަކޮށްފިއެވެ.
މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ކުރި އިޢުލާނެއްގައި ބުނެފައިވަނީ ކާބޯތަކެތީގެ ޚިދުމަތް ދޭ ތަންތަނަށް ހުއްދަ ދޫކުރުމަށް ޢަމަލު ކުރަމުންދާ "ކާބޯތަކެތީގެ ޚިދުމަތްދޭ ތަންތަނާއި ފަރާތްތައް ރަޖިސްޓްރީކޮށް ލައިސަންސް ދޫކުރުމުގައި ޢަމަލުކުރާނެ ގޮތުގެ އިންތިޤާލީ އުސޫލު" ބަޔާންކުރާ ގަވާއިދުގެ ދަށުން ކާބޯތަކެތީގެ ޚިދުމަތްދޭ ތަންތަން ރަޖިސްޓްރީ ކުރުމުގައި އެ އޮތޯރިޓީން ނަގަމުންދާ ރަޖިސްޓްރޭޝަން ފީއާއި ކެޓަގަރީ ފީ ކުޑަކުރުމަށް ނިންމާފައިވާ ކަމަށެވެ.
Advertisement
އެމްއެފްޑީއޭ އިން ބުނީ ޖަނަވަރީ 28 އިން ފެށިގެން ދެ އަހަރު ދުވަހުގެ މުއްދަތަށް ކާބޯތަކެތީގެ ޚިދުމަތް ދޭ ތަންތަނުގެ ރަޖިސްޓްރޭޝަން އަދި ކެޓަގަރީ ފީ 50 އިންސައްތައަށް ކުޑަކޮށްފައިވާ ކަމަށެވެ.