މާލެ ސަރަޙައްދުގައި ޤާއިމުކުރާ ސްޕޯޓްސް ކޮމްޕްލެކްސްތަކުގެ އެއްބަސްވުމުގައި ސޮއިކޮށްފިއެވެ.
މާލެ ސަރަޙައްދުގައި ސްޕޯޓްސް ކޮމްޕްލެކްސް ޤާއިމުކުރަނީ ހުޅުމާލެ ފޭސް 1، ހުޅުމާލެ ފޭސް 2 އަދި ވިލިމާލޭގައެވެ.
ތިން ސްޕޯޓްސް ކޮމްޕްލެކްސްގެ މަސައްކަތް ކުރަން ޙަވާލުކުރީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާ އެވެ. އެއްބަސްވުމުގައި ސޮއިކުރުމުގެ ރަސްމިއްޔާތު އިއްޔެ އޮތީ ކުޅިވަރާއި ހަށިހެޔޮކަމާ ބެހޭ ވުޒާރާގައެވެ.
ހުޅުމާލެ ފޭސް1 ، ފޭސް 2، އަދި ވިލިމާލެ ސްޕޯޓްސް ކޮމްޕްލެކްސް ޤާއިމުކުރުމުގެ އެއްބަސްވުމުގައި މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމްއޭސީއެލް)އާ އެކު މިއަދު ވަނީ ސޮއިކުރައްވާފައި.
މި އެއްބަސްވުމުގައި ކުޅިވަރާއި ހަށިހެޔޮކަމާ ބެހޭ ވުޒާރާގެ ފަރާތުން ސޮއިކުރެއްވީ ވަޒީރު… pic.twitter.com/xzf4yyrU8R— Ministry of Sports, Fitness and Recreation (@MoSFR_mv) January 20, 2026
އެއްބަސްވުމުގައި ކުޅިވަރު ވުޒާރާގެ ފަރާތުން ސޮއިކުރެއްވީ ވަޒީރު ޢަބްދުﷲ ރާފިއު އެވެ. އެމްއޭސީއެލްގެ ފަރާތުން ސޮއިކުރެއްްވީ ސީއީއޯ އަދި މެނޭޖިން ޑިރެކްޓަރ އިބްރާހީމް ޝަރީފް މުޙައްމަދު އެވެ.
މާލެ ސަރަޙައްދުގައި ސްޕޯޓްސް ކޮމްޕްލެކްސް ގާއިމުކުރުމުގެ އެއްބަސްވުމުގައި ސޮއިކުރިއިރު، ކުޅިވަރާއި ހަށިހެޔޮކަމާ ބެހޭ ވުޒާރާއިން އަންނަނީ މުޅި ރާއްޖޭގައި ފިޓްނަސް އެންޑް ރެކްރިއޭޝަން ސެންޓަރުތައް ޤާއިމުކުރުމުގެ އަމަލީ މަސައްކަތް ވެސް ކުރަމުންނެވެ.
