އަންނަ ފެބުރުވަރީ މަހުގެ 12 ވަނަ ދުވަހު ބަންގްލަދޭޝްގައި ބޭއްވުމަށް ހަމަޖެހިފައިވާ އެގައުމުގެ ރައްޔިތުންގެ މަޖިލީހުގެ އިންތިޚާބާ ގުޅިގެން، 15 ޖަނަވަރީ 2026 އިން ފެށިގެން 15 ފެބުރުވަރީ 2026 ގެ ނިޔަލަށް، އެ ގައުމަށް ދަތުރުކުރާ އެންމެހައި ފަރާތްތަކަށް އޮން އެރައިވަލް ވިސާ ދޫކުރުން ވަގުތީ ގޮތުން މެދުކަނޑާލުމަށް، އެގައުމުގެ ސަރުކާރުން ނިންމި ނިންމުން އަނބުރާ ގެންގޮސްފިއެވެ.
ޚާރިޖީ ވުޒާރާއިން ބުނީ މިއާއެކު، ބަންގްލަދޭޝްއަށް ދަތުރުކުރާ ދިވެހިންނަށް ކުރިއެކޭވެސް އެއްގޮތަށް، އޮން-އެރައިވަލް ވިސާ ލިބޭނެ ކަމަށެވެ.
ބަންގްލަދޭޝަކީ ގިނަ އަދަދެއްގެ ދިވެހީން މަތީ ތަޢުލީމު ހާސިލުކުރުމަށާއި ވިޔަފާރީގެ ބޭނުމަށްވެސް ދަތުރުކުރާ ޤައުމެކެވެ. އޮން-އެރައިވަލް ވިސާ ދޫކުރުން މެދުކަނޑާލަން ނިންމި ނިންމުން އެ ޤައުމުން ބަދަލުކުރުމާއެކު، ރާއްޖެއިން ބަންގްލަދޭޝަށް ދަތުރުކުރާ ދިވެހީންނަށް ފަސޭހަކަމާއެކު އެ ޤައުމަށް ދަތުރުކުރެވޭނެއެވެ.