ރާއްޖެއިން މޮރިޝަސްއަށް ކަނޑައަޅުއްވާފައިވާ ސަފީރު މަސްޢޫދު އިމާދު ސަފީރު ކަމުގެ ފަތްކޮޅު އެޤައުމުގެ ރައީސް ދަރަމްބީރު ގޮޚޫލްއަށް އަރުވައިފިއެވެ.
ރާއްޖޭގެ މޮރިޝަސްއަށް ކަނޑައަޅުއްވާފައިވާ ސަފީރު، ސަފީރު ކަމުގެ ފަތްކޮޅު އެރުވުމަށް ބޭއްވި ރަސްމިއްޔާތު ބާއްވާފައިވަނީ އެ ޤައުމުގެ ރިޔާސީ ޕޯޓް ލުއިސްގައި ހުންނަ އެ ޤައުމުގެ ރިޔާސީ ގަނޑުވަރުގައެވެ. މި ރަސްމިއްޔާތުގައި ރާއްޖެއިން މޮރިޝަސް ކަނޑައެޅާފައި ހުންނަވާ ސަފީރު ވަނީ ސަފީރު ކަމުގެ ފަތްކޮޅު އެ ޤައުމުގެ ރައީސަށް އަރުވާފައެވެ.
Non-Resident High Commissioner of the Maldives Presents Letters of Credence to the President of Mauritius
📃 Press Release | https://t.co/Pwh7fN3rIL pic.twitter.com/XtwtArPY70
— Ministry of Foreign Affairs 🇲🇻 (@MoFAmv) December 22, 2025
މިރަސްމިއްޔާތަށް ފަހު ބޭއްވި ބައްދަލުވުމުގައި، ސަފީރު މަސްޢޫދު ވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފާރާތްޕުޅުން އެ ޤައުމުގެ ރައީސް އަދި ރައްޔިތުންނަށް ތަހުނިއްޔާ އަރިސް ކުރައްވާފައެވެ. މި ބައްދަލުވުމުގައި މޮރީޝަސްގެ ރައީސް ވަނީ ސަފީރަށް މަރުހަބާ ދަންނަވާ، ސަފީރު ކަމުގެ ދައުރުގައި ކަމީޔާބީއަށް އެދިލައްވާފައެވެ.
ރާއްޖެއިން މޮރިޝަސްއަށް ކަނޑައެޅުއްވި ސަފީރަކީ، މިވަގުތު ލަންކާއަށްވެސް ރާއްޖެއިން ކަނޑައަޅުއްވާފައި ހުންނަވާ ސަފީރެވެ. ސަފީރު މަސްޢޫދު ހުންނަވަނީ ލަންކާ ހައިކޮމިޝަނުގައެވެ. އަދި މޮރީޝަސް ސަފީރުކަން އަދާކުރައްވާނީ އެތަނުގައި ހުންނަވައިގެން ކަމަށް ދިވެހި ޚާރިޖިއްޔާއިން ވިދާޅުވިއެވެ.
