ޚާރިޖީ ވަޒީރު ޑރ. ޢަބްދުالله ޚަލީލް، ސަޢޫދީ ޢަރަބިއްޔާއަށް ކުރެއްވި ރަސްމީ ދަތުރުފުޅު ނިންމަވާލައްވައިފިއެވެ.
އެމަނިކުފާނު ސަޢޫދީއަށް ވަޑައިގެންނެވީ އ.ދ.ގެ އެލަޔަންސް އޮފް ސިވިލައިޒޭޝަންސް (ޔޫ.އެން.އޭ.އޯ.ސީ) ގެ 11 ވަނަ ގްލޯބަލް ފޯރަމްގައި ބައިވެރިވެވަޑައިގެންނެވުމަށެވެ.
މި ދަތުރުފުޅު ނިންމަވާލައްވައި މިއަދު އެކްސްގައި ކުރެއްވި ޕޯސްޓެއްގައި ވަޒީރު ވިދާޅުވީ، މެންބަރު ޤައުމުތަކާ މަޝްވަރާކުރެއްވުމަކީ ލިބިވަޑައިގެންނެވި ޝަރަފެއް ކަމަށެވެ.
Concluded my official visit to Riyadh, to attend the 11th Global Forum of the United Nations Alliance of Civilizations.
Honoured to have engaged with Member States and reaffirm our commitment to international cooperation and to protect and promote a more inclusive, peaceful and…
— Abdulla Khaleel (@abkhaleel) December 15, 2025
މީގެ އިތުރުން ވަޒީރު ވަނީ އެންމެން ޝާމިލްވާ، ސުލްހަވެރި އަދި ވިލުންތެރި ދުނިޔެއެއް ކުރިއަރުވައި ރައްކާތެރިކުރުމަށް ބޭނުންވާ ބައިނަލްއަޤްވާމީ އެއްބާރުލުން ދެއްވާނެކަމުގެ ޔަޤީންކަން އަރުވައިފައެވެ.
އަދި ކުރިއަށްދާއިރު، ދުނިޔޭގެ މުއައްސަސާތަކަކީ އެންމެންގެވެސް އަޑުއަހާ، ތަފާތުތަކަށް އިޙްތިރާމްކުރާ އަދި ދެމެހެއްޓެނިވި މުސްތަޤުބަލަކަށް ތާއީދުކޮށް ޖާގަދޭ ތަންތަންކަމުގައި ކަށަވަރުކުރުމަށް މަސައްކަތް ކުރުމަށްވެސް ވަޒީރު ގޮވާލައްވާފައިވެއެވެ.
