55 ކައުންސިލް އިމާރާތްކުރުމުގެ މަޝްރޫޢު ޖޫންގެ ނިޔަލަށް ނިންމާލެވޭނެ: އާދަމް ޝަރީފް

ކޮންޓްރެކްޓަރ ފައިނޭންސް އުސޫލުން ރާއްޖޭގެ 55 ރަށެއްގައި ކައުންސިލް ޢިމާރާތްކުރުމުގެ މަޝްރޫޢުގެ މަސައްކަތް އަންނަ ޖޫން މަހުގެ ނިޔަލަށް ނިންމާލެވޭނެ ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު، އާދަމް ޝަރީފް ޢުމަރު ވިދާޅުވެއްޖެއެވެ. ވަޒީރު މިހެން ވިދާޅުވީ މިއަދު އެކްސްގައި ކުރެއްވި ޕޯސްޓެއްގައެވެ.

HEP Dr Muizzu @MMuizzu ge sarukaarun, Contractor Finance usoolun Council idhaaraathah imaaraaiy kurumah hingaa mashroou (55 councils project) ge masakkaiy baarah kuriah. June ge niyalah mulhi mashroou nimmai, council thakah thalhudhandi havaalu kureveyne. IA@presidencymv… pic.twitter.com/EVp0gMl9q8

— Adam Shareef Umar (@Adamshareefz) December 7, 2025

މިގޮތުން ވަޒީރު ވިދާޅުވީ ރައީސް ޑރ. މުޙައްމަދު މުޢިއްޒުގެ ސަރުކާރުން، ކޮންޓްރެކްޓަރ ފައިނޭންސް އުސޫލުން ކައުންސިލް އިދާރާތައް އިމާރާތް ކުރުމަށް ހިންގާ މަޝްރޫޢޫ (55 ކައުންސިލް މަޝްރޫޢު) ގެ މަސައްކަތް ބާރަށް ކުރިއަށްދާ ކަމަށާއި، ޖޫންގެ ނިޔަލަށް މުޅި މަޝްރޫޢު ނިންމައި ކައުންސިލްތަކަށް ތަޅުދަނޑި ހަވާލު ކުރެވޭނެ ކަމަށެވެ. ކޮންޓްރެކްޓަރ ފައިނޭންސް އުސޫލުން ރާއްޖޭގެ 55 ރަށެއްގައި ކައުންސިލް ޢިމާރާތްކުރުމުގެ މަޝްރޫޢު ސަރުކާރުން ހަވާލުކޮށްފައިވަނީ ރަޝީދު ކާޕެންޓްރީ އެންޑް ކޮންސްޓްރަކްޝަން (އާރު.ސީ.ސީ) އާއެވެ. މި މަޝްރޫޢުގެ ދަށުން އެއް އަހަރުގެ ތެރޭގައި 55 ކައުންސިލް ނިންމާނެ ކަމަށާއި، މި މަޝްރޫޢުގައި ކައުންސިލަށް ބޭނުންވާ ފަރުނީޗަރާއި ވަށާފާރު ހިމެނޭނެ ކަމަށްވެސް އާންމު މަސައްކަތްތަކާ ބެހޭ ވުޒާރާއިން ބުނެއެވެ.