ރަސްމާލެ ހިއްކުން ތިން ގުނަ އަވަސްކުރުމަށް ދުނިޔޭގެ އެންމެ ބޮޑު އެއް ޑްރެޖަރު

ރަސްމާލެ ހިއްކުން ތިން ގުނަ އަވަސްކުރުމަށް ދުނިޔޭގެ އެންމެ ބޮޑު އެއް ޑްރެޖަރު ގެނެސްފިއެވެ. މިކަން ހާމަކުރައްވައި މިއަދު އެކްސްގައި ކުރެއްވި ޕޯސްޓެއްގައި ރައީސް ޑރ. މުޙައްމަދު މުޢިއްޒު ވިދާޅުވީ ދުނިޔޭގެ އެންމެ ބޮޑު ޓްރެއިލަރ ސަކްޝަން ޑްރެޖަރު ކަމަށްވާ ކްރިސްޓޮބަލް ކޮލޮން ގެނެސް ބިން ހިއްކަން ފަށާފައިވާ ކަމަށެވެ.

One of the two world's largest Trailer Suction Hopper Dredgers "Cristóbal Colón" of Jan De Nul started reclamation works today to triple up the speed of creation of land for the ‎100%‎ net zero carbon, smart eco-city "Rasmale": the largest climate adaptation project to be carried… pic.twitter.com/FKqfYSB7X6

— Dr Mohamed Muizzu (@MMuizzu) December 1, 2025

މީގެ ސަބަބުން ރަސްމާލެ ހިއްކުމުގެ މަސައްކަތް ތިން ގުނަ އަވަސްވެގެންދާނެ ކަމަށް ރައީސް ވިދާޅުވިއެވެ. ރަސްމާލެއަކީ %100 ޒީރޯ ކާބަން، ސްމާޓް ސިޓީއެކެވެ. މާލެއާއި ރާއްޖޭގެ އެކި ހިސާބުތަކުގައި ކުރިއަށްދާ ބިން ހިއްކުމުގެ މަޝްރޫޢުތައް އަވަސްކުރުމަށް ޑްރެޖަރުތައް ގެނައުމަށް ހަމަޖެހިފައިވާކަން ސަރުކާރުން ހާމަކުރީ މިދިޔަ އޮކްޓޫބަރު މަހުގައެވެ. އޭގެ ތެރެއިން ދެ ޑްރެޖަރު ގެނެސް މަސައްކަތް ކުރަމުން ގޮސްފައިވާއިރު، މިއަދު މަސައްކަތް ފަށާފައި މިވަނީ ތިންވަނަ ޑްރެޖަރެވެ.