ސްރީލަންކާއަށް މިހާރު ކުރަމުންދާ ވިއްސާރައާ ގުޅިގެން، އެ ޤައުމަށް ފައިސާގެ އެހީ ފޯރުކޮށްދިނުމަށްޓަކައި، ޕީއެސްއެމުން އިސްނަގައިގެން ކުރިއަށް ގެންދާ 'ސިލޯނާއެކު ދިވެހިން' ޓެލެތޯނަށް ފެނަކަ ކޯޕަރޭޝަން ލިމިޓެޑުން ފައިސާ ހަދިޔާކޮށްފިއެވެ.
މިގޮތުން ފެނަކައިން ވަނީ މި ޓެލެތޯނަށް 100،000ރ. ގެ ފައިސާގެ އެހީއެއް ހަދިޔާކޮށްފައެވެ.
ސްރީލަންކާއަށް މިހާރު ކުރަމުންދާ ވިއްސާރައާ ގުޅިގެން، އެ ޤައުމަށް ފައިސާގެ އެހީ ފޯރުކޮށްދިނުމަށްޓަކައި، ޕީއެސްއެމުން އިސްނަގައިގެން ކުރިއަށް ގެންދާ 'ސިލޯނާއެކު ދިވެހިން' ޓެލެތޯންގައި މި ކުންފުނީގެ ފަރާތުން 100،000ރ. ހަދިޔާކުރުން#TeamFenaka #CeylonaaEkuDhiveheen pic.twitter.com/GDuKZSqlu1
— Fenaka Corporation Ltd (@TeamFenaka) December 1, 2025
ސްރީ ލަންކާއަށް ކުރިމަތިވި ބޮޑު ގުދުރަތީ ކާރިސާއާ ގުޅިގެން އެ ގައުމަށް އެހީވުމަށް ރާއްޖޭގައި ބޭއްވި ޓެލެތޯން މިއަދު ނިންމާލިއިރު، 11.5 މިލިއަނަށް ވުރެ ގިނަ ރުފިޔާ ވަނީ ލިބިފައެވެ.
ރާއްޖޭގެ މީޑިއާތަކުގެ ބައިވެރިވުމާއެކު އިއްޔެ ހެނދުނު 9:00 ގައި ފެށި މި ޓެލެތޯން މިއަދު މެންދުރު ފަހު 2:00 ގައި ނިންމާލިއިރު، ޖުމްލަ 11.5 މިލިއަން ރުފިޔާ ވަނީ އެއްކުރެވިފައެވެ. އެގޮތުން، ދިވެހި ރުފިޔާއިން 10،892،357.82ރ. އަދި 43،631.31 ޑޮލަރު (672،795ރ.) ލިބިފައިވެއެވެ.