ޞިއްޙީ ދާއިރާއިން 31 މަޝްރޫޢުއެއްގެ މަސައްކަތް ކުރިއަށްގެންދިޔުމަށް އަމިއްލަ ކުންފުނިތަކާ ހަވާލުކޮށްފިއެވެ.
މި މަޝްރޫއުތަކުގެ އެއްބަސްވުމުގައި ސޮއިކުރެއްވުމަށް ބަސެލޯ ނަސަންދުރާގައި މިއަދު ބޭއްވި ރަސްމިއްޔާތުގައި ހެލްތު މިނިސްޓްރީއާއި މަސައްކަތް ހަވާލުކުރި ކުންފުނިތަކުން ވަނީ ސޮއިކުރައްވާފައެވެ. މި ރަސްމިއްޔާތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ކެބިނެޓް މިނިސްޓަރުންނާއި، މަޖިލީހުގެ މެންބަރުންނާއި، އިސް ބޭފުޅުން ބައިވެރިވެވަޑައިގެންނެވިއެވެ.
މި މަޝްރޫއުތަކުގެ ޖުމަލަ އަގަކީ 359 މިލިއަން ރުފިޔާއެވެ.
މި މަޝްރޫއުގެ ތެރޭގައި އަލަށް އިތުރު ކުރެވޭ އިމާރާތްތަކާއި، އައު ސިއްޙީ މަރުކަޒުތަކާއި ހޮސްޕިޓަލްތަކުގެ އިތުރުން ގުރައިދޫ ޚާއްސަ އެހީއަށް ބޭނުންވާ މަރުކަޒުގެ އިންފްރާސްޓްރަކްޗަރގެ މަސައްކަތް ހަރުދަނާ ކުރުން ހިމެނެއެވެ.
މި މަސައްކަތް ހަވާލުކުރި ކުންފުނިތަކުގެ ތެރޭގައި ހިމެނެނީ؛
އޮޕްޓިމާ ހޯލްޑިން ޕްރައިވެޓް ލިމިޓެޑް
ފެޑޯ ޕްރައިވެޓް ލިމިޓެޑުންނެވެ
އެލްއެމްއޭ އިންވެސްޓްމަންޓް
އެލްއެމްއޭ އިންވެސްޓްމަންޓް
ސަމާލް ކޮންސްޓްރަކްޝަން ޕްރައިވެޓް ލިމިޓް
ޕާފެކްޓް މަލާފެހި ޕްރައިވެޓް ލިމިޓެޑް
އިކޯސިސް ޕްރައިވެޓް ލިމިޓެޑް
ވަލީދު ކޮންސްޓްރަކްޝަން
އެސެޓަން ޕްރައިވެޓް ލިމިޓެޑް
ގްލޫޓް އިންވެސްޓްމަންޓްސް ޕްރައިވެޓް ލިމިޓެޑް
އެލްއެމްއޭ އިންވެސްޓްމަންޓް
ނެކްސްޓާ މޯލްޑިވްސް ޕްރައިވެޓް ލިމިޓެޑް
ނިއު ހިޔާ މޯލްޑިވްސް ޕްރައިވެޓް ލިމިޓެޑް
އެމްއައިއެމްއެސް ކޮންސްޓްރަކްޝަން ޕްރައިވެޓް ލިމިޓެޑް
ސޯސަން ކޮންސްޓްރަކްޝަން ޕްރައިވެޓް ލިމިޓެޑް
އަލްޓެކް މޯލްޑިވްސް ޕްރައިވެޓް ލިމިޓެޑް
އޮޕްޓިމާ ހޯލްޑިން ޕްރައިވެޓް ލިމިޓެޑް
ސެވަން ވީކްސް ޕްރައިވެޓް ލިމިޓެޑް
އަފާމީ މޯލްޑިވްސް ޕްރައިވެޓް ލިމިޓެޑް
ސެވަން ވީކްސް ޕްރައިވެޓް ލިމިޓެޑް
ރާއްޖޭގެ އެކި ކަންކޮޅުތަކުގައި ފަށާ 200 އަށް ވުރެ ގިނަ ތަރައްޤީގެ މަޝްރޫޢުގެ މަސައްކަތް އަމިއްލަ ކުންފުނިތަކާ އިއްޔެ ސަރުކާރުން ވަނީ ޙަވާލުކުރައްވާފައެވެ.
