ހިޔާ ޓަވަރަކުން މީހަކު ވެއްޓި މަރުވެއްޖެއެވެ.
ފުލުހުން މީޑިއާތަކާ ފޮނުވި މެސެޖެއްގައި ބުނީ މިއަދު ހެނދުނު 8:32ހާއިރު ހިޔާ ޓަވަރު އަށަކުން މީހަކު ވެއްޓިފައިވާ ކަމުގެ މައުލޫމާތު ލިބިފައިވާ ކަމަށެވެ.
އެ މީހާ ހުޅުމާލޭ ހޮސްޕިޓަލަށް ގެންގޮސްފައިވާ ކަމަށާއި އެއީ 33 އަހަރުގެ ފިރިހެން ކަމަށް ފުލުހުން ބުންޏެވެ.
ނަމަވެސް އެ މީހާއާ ގުޅޭ އަދި މިހާދިސާގެ އިތުރު މައުލޫމާތެއް ފުލުހުން ހިއްސާނުކުރެއެވެ.
ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.
