ސަރުކާރުން ށ. މިލަންދޫގައި ތަރައްޤީކުރި ފުޓްސަލް ދަނޑާއި ވޮލީކޯޓު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރަސްމީކޮށް ހުޅުއްވައިދެއްވައިފިއެވެ.
މިލަންދޫގައި ސަރުކާރުން ތަރައްޤީކުރި ފުޓްސަލް ދަނޑާއި ވޮލީކޯޓު ރަސްމީކޮށް ހުޅުއްވައިދެއްވުމަށް ފަހު ރައީސުލްޖުމްހޫރިއްޔާ ވަނީ އެތަން ބައްލަވާލައްވައިފައެވެ.
ދެ މަޝްރޫޢުގެ ނިމުން ފާހަގަކުރުމުގެ ރަސްމިއްޔާތުގައި ރައީސުލްޖުމްހޫރިއްޔާގެ އަރިހުގައި، ކެބިނެޓް މިނިސްޓަރުންނާއި، ރައްޔިތުންގެ މަޖިލީހުގެ މެންބަރުންނާއި، މިލަންދޫ ކައުންސިލްގެ މެންބަރުންގެ އިތުރުން އެރަށުގެ މުއައްސަސާތަކުގެ އިސްވެރިން ބައިވެރިވަޑައިގަތެވެ.
މިލަންދޫގައި ފުޓްސަލް ދަނޑާއި ވޮލީކޯޓު ތަރައްޤީކުރުމާއެކު އެރަށުގެ ޒުވާނުން ބޭނުންވި ގޮތަށް ފެންވަރު ރަނގަޅު ވަސީލަތްތައް ވަނީ މަގުފަހިވެފައެވެ.
