މިއަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު 1.7 މިލިޔަނަށް އަރައިފިއެވެ.
މިއީ މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތްކޮށްފައިވާ ފަތުރުވެރިންގެ އަދަދާއި އަޅާ ބަލާއިރު، %10 އިތުރު އަދަދެކެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުން މިމަހުގެ 11 ގެ ނިޔަލަށް ރާއްޖެއަށް 1,701,785 ފަތުރުވެރިންވަނީ ރާއްޖެއަށް ޒިޔާރަތްކޮށްފައެވެ. މިދިޔަ އހަރުގެ މި މުއްދަތަގައި ރާއްޖެއަށް އައިސްފައިވަނީ 1,546,319 ފަތުރުވެރިންނެވެ.
ތަފާސްހިސާބުތައް ދައްކާގޮތުން މިމަހުގެ ފުރަތަމަ 11 ދުވަސްތެރޭ ރާއްޖެއަށް ވަނީ 65,296 ފަތުރުވެރިން ޒިޔާރަތްކޮށްފައެވެ. މިއީ މިދިޔަ އަހަރުގެ މި މުއްދަތުގައި ރާއްޖެއަށް އައިސްފައިވާ 54,292 ފަތުރުވެރިންނާ އަޅާ ބަލާއިރު، %20 އިތުރު އަދަދެކެވެ.
ރާއްޖެއަށް އެންމެ ގިނަ އަދަދަކަށް ފަތުރުވެރިން ޒިޔާރަތްކުރަނީ ޗައިނާއިންނެވެ.
އެންމެ ގިނައިން ފަތުރުވެރިން އައިސްފައިވާ 5 ގައުމަކީ:
* ޗައިނާ: 279,690 ފަތުރުވެރިން
* ރަޝިއާ: 208,329 ފަތުރުވެރިން
* އިނގިރޭސިވިލާތް: 149,424 ފަތުރުވެރިން
* ޖަރުމަނުވިލާތް: 120,922 ފަތުރުވެރިން
* އިޓަލީވިލާތް: 106،230 ފަތުރުވެރިން
ސަރުކާރުން މިއަހަރު އަމާޒުހިފާފައިވަނީ ރާއްޖެއަށް 2.3 މިލިޔަން ފަތުރުވެރިން ގެނައުމަށެވެ.
