އދ. މަންދޫ ޞިއްޙީ މަރުކަޒުގެ އަލަށް އިތުރުކުރެވޭ އިމާރާތުގެ އަމަލީ މަސައްކަތް ފަށައިފި.
މި މަސައްކަތް ފަށްޓަވައިދެއްވީ، ރައީސުލްޖުމްހޫރިއްޔާ އދ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން އެރަށައްވަޑައިގެން ބޭއްވި ރަސްމިއްޔާތުގައި މާލީ ވަޒީރު މޫސާ ޒަމީރުއެވެ.
ސަރުކާރުން އަންނަނީ ރާއްޖޭގެ ސިއްޙީ ނިޒާމް ކުރިއެރުވުމަށް ގިނަ މަސައްކަތްތަކެއް ކުރައްވަމުންނެވެ. އެގޮތުން ސިއްޙީ މަރުކަޒުތަކަށް ޖާގަ އިތުރުކުރުމާއި، އައު ހޮސްޕިޓަލްތައް ތަރައްޤީކުރުމާއި، ސިއްޙީ ޚިދުމަތްދޭ ތަންތަނަށް ބޭނުންވާނެ ވަސީލަތްތައް ހޯދުން ހިމެނެއެވެ.
ސިއްޙީ ދާއިރާއަކީ ސަރުކާރުން އެންމެ އިސްކަންދެއްވާ އެއް ދާއިރާއެވެ.
