ލޮނު ފެނުން މަސް ފިނިކުރާ ނިޒާމު ނުވަތަ އާރްއެސްޑަބްލިއު ސިސްޓަމްތައް ޤާއިމްކުރެވިގެންދިއުމަކީ މަސްވެރި ސިނާއަތަށް އަންނާނެ އިންގިލާބީ ބަދަލެއް ކަމަށާ މަސްވެރިންގެ އާމްދަނީ އިތުރުވެގެންދާނެކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙުމަދު ޝިޔާމް ވިދާޅުވެއްޖެއެވެ.
ވަޒީރު މިހެން ވިދާޅުވީ، މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާ އާއި ލައިވްސް އެންޑް ލައިވްލިހުޑް ފަންޑު، އެލްއެލްއެފު ގުޅިގެން ބާސެލޯގައި އިއްޔެ ބޭއްވި ނޫސްވެރިންގެ ބައްދަލުވުމުގައެވެ.
A joint press conference was held by the Ministry of Fisheries and Ocean Resources and @LLF_Fund, bringing together key stakeholders of the “Support People’s Livelihoods in the Fishery Sector in Maldives” project. Along with Minister @Shiyamaldives , the panel included Mr.… pic.twitter.com/TBILewRqJ3
— Ministry of Fisheries and Ocean Resources (@MFORmv) October 6, 2025
ވަޒީރު ވިދާޅުވީ ޒާމާނުއްސުރެ މަސްވެރިންނަށް ދިމާވެފައިވާ އެންމެ ބޮޑު ގޮންޖެހުމަކީ ފަސޭހައިން އައިސް ލިބުމުގެ ދަތިކަންކަމަށެވެ. އަދި އެކަމުގެ ސަބަބަުން އައިސް ހޯދަން މަސްވެރިން ދުއްވަންޖެހޭ މިންވަރު އިތުރުވެ ބޮޑު ހަރަދެއް އެކަމަށް މަސްވެރިން ކުރަން ޖެހޭ ކަމަށް ވަޒީރު ވިދާޅުވިއެވެ.
ވަޒީރު ވިދާޅުވީ ލޮނު ފެނުން މަސް ފިނި ކުރާ ނިޒާމް ދޯނިތަކުގައި ގާއިމް ކުރުމުން މަސްވެރިކަމުގެ ދާއިރާ އިތުރަށް ކުރިއަރާ މަސްވެރިންނަށް ލިބޭ އާމްދަނީ އިތުރުވެގެންދާނެ ކަމަށެވެ. އަދި މީގެ ކުރިން އައިސް ހޯދަން މަސްވެރިން އުފުލަމުންދިޔަ ތަކުލީފުތައް ނިމުމަކަށް އަންނާނެ ކަމަށްވެސް ވަޒީރު ވިދާޅުވިއެވެ.
އާރްއެސްޑަބްލިއު މަޝްރޫޢުގެ މަޤްޞަދަކީ މަސްވެރި އުޅަނދުފަހަރަށް ދެމެހެއްޓެނިވި އަދި ހަކަތައިގެ ޤާބިލުކަން ލިބިފައިވާ ޓެކްނޮލޮޖީއެއް ފޯރުކޮށްދިނުން ކަމަށެވެ. މިނިޒާމުގެ ސަބަބުން،ބާނާ މަހުގެ ފެންވަރު ދެމެހެއްޓުމުގައި އަމިއްލަ ފުދުންތެރިކަން ހާސިލުކުރެވޭނެ ކަމަށް ވަޒީރު ވިދާޅުވިއެވެ.
