އިހަވަންދޫ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ކުރިއަށް

ހއ. އިހަވަންދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ހުއްޓުމެއް ނެތި ކުރިއަށްދާކަން ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ހާމަކޮށްފިއެވެ. މިގޮތުން އާރުޑީސީން އެކްސްގައި ކުރި ޕޯސްޓެއްގައި ބުނެފައިވަނީ ހއ. އިހަވަންދޫ މަގު ހެދުމުގެ މަޝްރޫއުގެ ދަށުން ޒަމާނީ ހިނގުމުގައި ސްޓޯރމް ވޯޓަރ ނެޓްވޯކް އެޅުމުގެ މަސައްކަތް ކުރަމުންދާ ކަމަށެވެ.

ހއ. އިހަވަންދޫ މަގު ހެދުމުގެ މަޝްރޫއުގެ ދަށުން ޒަމާނީ ހިނގުމުގައި ސްޓޯރމް ވޯޓަރ ނެޓްވޯކް އެޅުމުގެ މަސައްކަތް އަދި ބެކް ފިލިންގގެ މަސައްކަތް ދަނީ ކުރަމުން.#TeamRDC pic.twitter.com/VDcK3kTawf

— Road Development Corporation Ltd (@rdcmaldives) October 2, 2025

މީގެ އިތުރުން މި މަޝްރޫޢުގެ ދަށުން ބެކް ފިލިންގގެ މަސައްކަތްވެސް ކުރެވެމުންދާ ކަމަށް އެ ކުންފުނިން ހާމަކުރެއެވެ. 102,846,733.89ރ. އަށް އާރުޑީސީއާ ހަވާލުކޮށްފައިވާ މި މަޝްރޫޢުގެ 40 އިންސައްތަ އަށްވުރެ ބޮޑު ބައި މިހާރު ވަނީ ނިމިފައެވެ. މި މަޝްރޫޢު ނިމޭއިރު، އިހަވަންދޫގެ މަގުތައް ޒަމާނީ ފެންވަރަށް ތަރައްޤީ ކުރެވި، މަގުތަކުގައި ނިޝާންތައް ކުރެހި، ސްޕީޑް ބްރޭކަރުތަކާއި މަގުބައްތި އަދި ޓްރެފިކް ސައިން ބޯޑުތައްވެސް ހަރުކުރެވިގެންދާނެއެވެ.