ނ.މާފަރު އިރުން 9 މޭލު ބޭރުގައި ކަނދުފަތި ޤާއިމްކޮށްފި

ނ އަތޮޅު މާފަރު ބޭރުގައި ދޮށީ ކަނދުފައްޗެއް ޤާއިމްކޮށްފިއެވެ. ދޮށީ ކަނދުފަތި ނަންބަރަކީ:  E10D01-03  އެވެ. ފިޝަރީޒް މިނިސްޓްރީން މައުލޫމާތުދިން ގޮތުގައި މިއަދު ނ.މާފަރު ދޮށީ ކަނދުފަތި، ހަރުކޮށްފައިވަނީ ނ.މާފަރު އިރުން 9 މޭލު ބޭރުގައެވެ.

ދޮށީ ކަނދުފަތި ނަންބަރު: E10D01-03 30 ސެޕްޓެމްބަރ 2025 ވަނަ ދުވަހު ނ.މާފަރު ދޮށީ ކަނދުފަތި، ނ.މާފަރު އިރުން 9 މޭލު ބޭރުގައި ޤާއިމްކޮށްފި. pic.twitter.com/o2N341oD3W

— Ministry of Fisheries and Ocean Resources (@MFORmv) September 30, 2025

މި ކަނދުފަތި ޤާއިމްކުރުމުގެ މަޤްޞަދަކީ އެ ސަރަޙައްދުގެ މަސްވެރިކަން އިތުރަށް ކުރިއެރުވުމެވެ. މި ދޮށީ ކަނދުފަތި ޤާއިމްކުރުމާ ގުޅިގެން އެ ސަރަޙައްދުގެ މަސްވެރިން، ޚާއްޞަކޮށް ޒުވާން މަސްވެރިންނާއި ސްޕޯޓްސް ފިޝިންގްގައި ޝާމިލްވާ ފަރާތްތަކަށް ލިބިގެންދާނެ ވަރަށްބޮޑު ފަސޭހައެކެވެ. ކަނދުފަތި ޤާއިމްކުރުމަކީ ސަރުކާރުގެ މަސްވެރިކަން ތަރައްޤީކުރުމުގެ ސިޔާސަތުގެ ދަށުން ކުރަމުން ގެންދާ މުހިންމު މަސައްކަތެކެވެ. މީގެއިތުރުން ކުރިއަށް އޮތް ތަނުގައި އިތުރު ކަނދުފަތި ރާއްޖޭގެ އެކި ސަރަޙައްދުތަކުގައި ޤާއިމްކުރުމަށް ވަނީ ނިންމާފައެވެ. އެންމެފަހުން ކަނދުފަތި ހަރުކުރީ ހުވަދުއަތޮޅާއި ފުވައްމުލަކުގައެވެ. ދިވެހިރާއްޖޭގެ ކަނދުފަތީގެ ވިއުގަ އިތުރަށް ފުޅާކޮށް، ޒަމާނީ ޓެކްނޮލޮޖީގެ ވަސީލަތްތައް ބޭނުންކޮށްގެން އައު ފަރުމާއަކަށް ބަދަލުކުރުމުގެ މަޝްރޫޢެއް މި މުޒާރާއިން ވަނީ ފަށާފައެވެ.